مساجلات ابوذية الاعضاء

الي احباب علمودك ودعوني
طحت ما شفت واحد ودعوني
انا بعرسك دعوني والدعوني
نفسهم جانو يشمتون بية

صديقي اشكد وفي بطبعك وصادق
واحبك مااحب غيرك وأصادق
نخيت المهدي والباقر والصادق
تظل انت اعز محبوب اليه

اريــــد اخبط مزيج الرمل والحر
وادور عل الصديج الوفي والحر
نخيت الله وابو الحسنين والحر
يحفظ كل اخو يذكر اخيه

لا تستمع
للگال باعــك صديقك

يبقى الوفي وفاي لتضن
يبيعك

نسيت وتيهت روحي وهم بيك ..
وحسافه ألعمر خلصته وهم بيك ..
خويت وضيعت ناسي وهم بيك ..
طلعت جذاب وهم تضحك عليه

تعال اكرب حبيبي (مالي غيرك)
وانا أدري بجمالك (مالي غيرك)
مال تروح مني (مال اغيرك)
سولفهه اعله روحك مو عليه .

احبك من صغر عودي $وسني$
ومن حبك سقط شعري $وسني$
وعلى حالي بجه شيعي $وسني$
وثالثهم مسيحي يون عليه .

أحلى مابيك ومن صفاتك وصلك

أروح وياك للشمس لو تريد أوصلك

ولو تصير بأخر العالم على رموشي زحف أوصللك

ميت وبشوفتك ترد الروح بيه ........

يمكن وَهم هذا اللي وَحالك
نفسه البَعِدَك عني وحالك
حالي وحال هالعالم وحالك
ترى نفس الألم وبهل قَضيه

اشما عنك حبيبك فوك عَله
هَم يوكع تطيحه ابيوم عِله
اعذره لو نسه الميعاد عَله
اجاك وما لكه منك بَقيه

انته المن زغر سنك وهَم بيك
عفتني وجنت احبنك وَهم بيك
هَم بيك العتب والشك إوهَم بيك
الزعل طول السنه عندك عليه

أحلى مابيك ومن صفاتك وصلك

أروح وياك للشمس لو تريد أوصلك

ولو تصير بأخر العالم على رموشي زحف أوصللك

ميت وبشوفتك ترد الروح بيه ........

كسرت القاعده وارفعت كسراك
يهل ماشلت سر بالروح كسراك
انكسر ظهري لحين اجبرت كسراك
شعجب من اوكفت تسحك عليه

وحك الناي من يطرب "وخنته
ابد ماعاشرت صاحب "وخنته
حبيبي وصاحبي وروحي "واخ انته
وانت الرمز للخوه القوية

بحياتي ما شفت يا ناس راحات
اجيبن هاي كالو ذيج راحات
الليالي الماحسبت تروح راحات
اجتني الماردته تمر علية

صرنه نجوم لكـن - مالمعنـه
والف يا وسفه بختك - مالَ معنه
زعلـك صـار ماصـخ- ماله معنه
اراضيـك وترد تزعــل عليـــــه

الواشي بلا بخت مرني وزعلك

أموت إنه ولا يوم أجرحنّك وزعلك

حلو كلّك على بعضك وزعلك

بحلاتك فدوة بس ارضى عليّ

انا كل ليلــه افكر بيك وانـهار
نزل دمعي عليك محيط وانهار
جبل كلبي محبتك صار وانهار
لان زلزال حــــبك صـــار بيّـــه

أحلى مابيك ومن صفاتك وصلك

أروح وياك للشمس لو تريد أوصلك

ولو تصير بأخر العالم على رموشي زحف أوصللك

ميت وبشوفتك ترد الروح بيه ........

اصيرن جفن لاحبابي وظل عين
واظل بالشده واكفلك وظل عين
ست اعظام اكسرلك وظلعين
سويهن جسر واتمر عليه

اطلع من جفن عينك وارد بيك
واشتم عطر من خدك ورد بيك
صرت مثل القصيده انت ورد بيك
وصرت انت النبض والروح بيه

أحلى مابيك ومن صفاتك وصلك

أروح وياك للشمس لو تريد أوصلك

ولو تصير بأخر العالم على رموشي زحف أوصللك

ميت وبشوفتك ترد الروح بيه ........

خسر كلمن ضميره مايوجهه
وخسر كلمن شمعته مايوجهه
وخسر كلمن تبـــده مايوجهه
وخسر كلمن خسر ذني سويه

عمري الجاي كله .. مالك انته
وعقلي بسبب شوكَك .. مالك انته
كَايم تضد وتصد .. مالك انته
شفتني اشتاكَـ كَمت اتعيل بيه

نحيل اصبحت من فركاك بس نوح
وكظي الليل كله عليك بس نوح
اليشيل الحمل عني ايجوز بس نوح
اذا جاب السفينه وفزع ليه

وحكَ الياهو والكَوكَل الكروم
الذهب مايلمع بعينك والكروم
ألك جات بوسط كَلبي والك روم
وتظل مشرف وسط روحي عليه

حبيبي بيا بخت وياي شديت
عدى هجرك الي شقدمت شأديت
باصبعك حتى تذكر خيط شديت
انحصر دمك ولا فكرت بيه

فصوص العين فص يمي وفص لك
يامن يوسف انت أصلك وفصلك
أخيطك بيدي تدريني وفصلك
واجيبك فيت يلترهم عليه