مساجلات ابوذية الاعضاء

ترف لشوكت ادور عليك ملكاك
عزيز وعبد لليهواك ملكاك
تكول اهواك وانه اكرت ملكاك
حرام ان يوم حسيت بيه

يبعدني الوكت عنك وردلك
واحب يوصلني مرسالك وردك
باقه الروح اقدمهه وردلك
واقدم عمري للغالي هديه

عدل سهمك اجاني من رميتة
ترى الصياد واضح من رميتة
مرة الروح عدلة ومرة ميتة
بهواك تعذبت روحي خطية


جفني ما غمض ليله حيالك
وكلبي المات من هجرك حيالك
بعد شتريد شيقدم حيالك
بعد ماضل عتب تعتب عليه

امانه اسراري يمكــم ... ودعتها

وفرحتي بيــوم شلتوا ... ودعتها

روحي الما تجيكم ... ودي اعتها

وسحل يمكم اجيبنها بأديـــه

لا تعذل على روحي وتنهه
أنكطع من يوم المفارك وتنهه
ليالي الفرح فاتنهه وتنهه
ليالي الكدر يالمبعد عليه

بظلم قانون روحي منسنلها
سبوها وصار اكثر منسنلها
افرحت مابان ضحكت منسنلها
لان كل الالم والهم عليه

اصيح بصوت وانته وياي ردرد
احبك لاتروح بعيد ردرد
اذا جتك رسالت شوك ردرد
لان ردك يردالروح اليه

دليلي بليل هج مني شردلك
الك مديون كل عمري شرد لك ؟
حرت شكتب شوديلك شرد لك ؟
عجز شعري و وكف كل بيت بيه