شاركوني بيت زهيري ,,,

روحي سفينة إبحر يمك بقت شالها
وبيها من الهموم لتصدكً جبل شالها
نحلت من جفاك بله اسرع ولك شيلها
وروحي التهم بيك بيها ماتهم إلحظه
كلبي بهواك انفطر عاين عليه الحظه
اعظم سعادة إله ذاك اللي بهواك الحظه
والمايشوفك بعد إيده الدهر شالها

راح وكسر خاطري وحمل طيوفه وشال
ونهر المودة نشف ظلت اجروفة إوشال
والدهر ما عافني رد عالجفوف وشال
ماعفت أنه عشرتك كًلبي اعله حبك ظل
للهجر شو تعتني وللعشك كلبك ظل
بجتافي أغطي الشمس بالصيف ألملك ظِل
و لو مَر عليك الشتا لفني اعله صدرك شال

بجروحي العب لعب بس هالجرح خله
و ياوكت بس ينلجم راد الكلب خله
و من كثر ظيم الهوى صاب العقل خله
ما أعتب اعله الهوى وياك جه ماطاب
بس اعتب اعله الجدم حيف اعله بيت طاب
داويت جرحه بديْ وأتعبني لمن طاب
ومن صار بيه الجرح حفنة ملح خله

إطنون هم عالكلب من وزنت مناك
وتدري بسبب علتي وك ياكلب مناك
جازاك ولفك غدر عود بوصل مناك
نخلة ويضربك حجر وانت تذبلي تمر
شما ضوكً طعمك شِري كل يوم زايد تمر
جنت أطش دربك ورد من يمي لمن تمر
وشطلع بيه اليوم صار الدرب مناك ؟؟

**************************************************
أحلى مابيك ومن صفاتك وصلك

أروح وياك للشمس لو تريد أوصلك

ولو تصير بأخر العالم على رموشي زحف أوصللك

ميت وبشوفتك ترد الروح بيه ........

الحيّاك بس بهلا حيّيه بمية هلا
و فك گلبك لمگبله و صير انته گومه و هله
وفر له بسمه وفرح لو شفته دمعه هله
و چيل المحبه بكرم و اترس شليله ورد
وياه خلي الحچي بترتاب اخذن و رد
و لو مر عليه العطش حط ماي عينك ورد
حتما يمرك عطش و تورد على منهله
****
معلوم رد الهلا إبقرآن بأحسن وَرَد
وخلاق شيعة علي العطشان منهن وَرَد
ياخوك طيبة گلب وچفوف تحمل وَرِد
ونصيح حيها الربع والجاي يا هل هلا
للعال نلگه العذر ساعة وزه او نمهله
شنهي العذر للنكر اصله او عمامه او هله
گتله انتسب يالسدت ؟ جاوبني, رايح وَرِد
*******

**************************************************

شاركوني بيت زهيري ,,, 3dlat.net_04_16_5db8_5b4ffb7ed2fb2

كَلبي جم دوب منهم أضل ساحلك
وبخلكَي تلعب لعب والضن صفة ساحة ألك
وهالجفن وية السهر دم ودمع ساح ألك
وأطعني بيدك طعن لا أتظن أكَولن هوة
وحمل دليلي ذنب جيه لنة حب وهوة
جيتك سفينة أبحر تعبني روج وهوة
ولمن وصلت الجرف نار أنكَلب ساحلك

طيبك وية اليستحق بالك تضع حد ألة
وسرك أبير أدفنة لا تأتمن حد ألة
والوكت لو لاوعك سل سيفك وحدة ألة
عالراس أطبرة طبر لا تطعنة بظهرة
وأشعندك من الصبر وكت العسر ظهرة
وراويه هذا العدو نجمة بوكت ظهرة
وعدل أسلوبك ترة ما تنفعك حادلة

أنة أدري ياهو الذي سم بكلامك داس
بس آنة عندي كَلب حافي أعلة جمرك داس
مضحي بخسارة عمر بس منك أربح داس
وخلصت عمري صبر وياك أنة عليت
وتدري بصدودك علي هذا الكَلب عليت
بحلامي أساسك قوي وفوكَاه قصر عليت
بس للأسف بالصحو طابوكَة وحدة وداس

رائعة يامياسم عراقنا لأختيارك الزهيريات
هو من ارقى انواع الشعر الشعبي
ننتظر جديدك يامياسمنا

زائر

يساكن ارويحتي هاك استمع ما يلي
وحدك عشت بالكلب وغيرك ابد ما يلي
عطشان انا الشوفتك يلشوفتك مي الي
والشبع من شوفتك كل عمرة يبقة عدل
وياك ما خالفت صدكني ماشي عدل
لا يرضاها قاضي شرع ولا يرضاها قاضي عدل
للناس تحكم عدل وحكمك علي مايل

**************************************************

شاركوني بيت زهيري ,,, Aba1bc1843c30531c0c814de9e65285d

مشكوره اختي علي الموضوع الشيق والجميل
في انتظار مشاركاتك المييزه
واصلي تميزك وتقبلي مروري

**************************************************

» شعر زهيري #اشوفه شعر
» اشعار زهيري
» زهيري حزين
» احلى شعر زهيري
» زهيري عتاب