مياسم العراق
عضومتقدم
علم الدولة : 
تاريخ التسجيل : 10/07/2010
عدد المساهمات : 838
نقاط : 1253
تاريخ الميلاد : 19/10/1990
العمر : 33
الاوسمة : 
 | | موضوع: قصيدة نذر للمرحوم الشاعر غازي ثجيل الجمعة 15 أكتوبر - 19:35 | |
| صواني اشموع للغايب يدجلة اچم وچم وديت
تتهادى اويه جاري الماي وبعيني ملح حطيت
وأتنطر وأعد أيام وحجارة درب ذبيت
أدگ كل باب لعيونك يجاسي الماعلي حنيت
تدريني يلفني الشوگ وابدربك انة انذبيت
مر بيَّ ولو طارش واگولن مر علي للبيت
مر بيه ولو شامت واگولن ليك انه انذريت
مر بينه گلب يفلان ذابل وارضه لو مريت
شنهي المارچه عيوني على اعيونك گبل ماجيت
شنهي البدل گليبك يخايب ليش مانشديت
نذر لعيونك عيوني .. وحنيني ... وكل بجايا الحيل
يلكلّك طمع عاشج يعايل ماتعرف العيل
أظن تدري ابحنيني يموت مالوم اعله چف اسهيل
واشچيلك واحن مگرود يلوصلك ترافه وهيل
احن چالفاجده امن النوگ لو فگدت حوار بليل
يالمها گلب مصدوع واتردها مدامع سيل
يطربها الحنين بشوگ لو حنت ثلث توكات
وروحي الماغداها الفوت لفها وجمع بيها وفات
يفطمها الهجر واتعود ترضع بالوصل مرات
ديدان الهوه هذا .. وصل - وامكابر - وحسرات
لاچن ياحلاة الشوگ لودگ بالگلت نغمات
يدعيلك حماد الروح روض يعانج النسمات
محفوف ابسواجي الود عليه أمروز ملتفات
مشتول ابأمل باچر فرح بجناح فراشات
ترسم للهوه اخيالك وتهديك بترف نجمات
يلما عاتتك كل شوگ غير اطيافك الحلوة
ينيسان الهوه ابترتيب ياسلوه اعلى كل سلوه
هواك ابكل كتر چودر وسموك الخلگ بلوه
**************************************************
أحلى مابيك ومن صفاتك وصلك
أروح وياك للشمس لو تريد أوصلك
ولو تصير بأخر العالم على رموشي زحف أوصللك
ميت وبشوفتك ترد الروح بيه ........
| |
|
زكي
عضومتقدم
علم الدولة :
الجنس : 
تاريخ التسجيل : 06/07/2010
عدد المساهمات : 5670
نقاط : 9147
الموقع : العراق
الجنسية : عراقية
| | موضوع: رد: قصيدة نذر للمرحوم الشاعر غازي ثجيل الجمعة 15 أكتوبر - 20:07 | |
| الشاعر غازي ثجيل اعرفه حق المعرفة
وهو من مدينتي الكوت
المهم يرحمه الله لقد ااعدمه صدام
قصيدة رائعة ما نقلتيه اختي
مياسم
وارد عليها بقصيدة للمرحوم غازي ثجيل بعنوان الماله اول ماله
تالي
الماله أول ماله تالي
چلمه خلّفها المعاتب من غفه إبحضن الليالي
چلمه مالومة إتعثر
ما شكت غير الموّدة وگلب خالي
امحزمه بضيم المغالب .. والمغالب مو طبع حباب غالي
وچلمة المامش كلافة ..
وچنت أظنك ربعه .. وادلال .. وزوالي
وانته سالي .. وانه ذاك الشگگت زيجي اعله طيفك
وانته سالي ...
وطشرت عمري بطريجك
وأنثر أيامي ابشماته وضيم حالي ..
اعذيبي ظنيتك أبارح حتى كل نسمة التعدت ..
چنت أگولن ياشمالي
تالي تطلع شرجي عالي ..
چلمة المالوم كلفة .. الماله اول ماله تالي
كافي چا چم أدوب أكابر ..
وأشمر عيوني التجديك الوفه ابذل الجداوه ..
كافي دولبني الدليل الضهد روحي ..
وما سمع چلماتي من راح يتغاوه
كافي چلماتك خناجر
واللي تجرح چلمة البطران من يحچي برهاوه
الماعرف طعم المحبة وماي هجرك طين خاوه ..
ما عرفني وعرف حالي ..
وچلمة المالوم كلفة ... الماله أول ماله تالي
تالي شنهي .. وشنهي تالي
يلمشيت إبزوم تربيلك مواعيدي وزماني
لا جرف دجلة الشهدنه
وناغه چلمات الوفه ابروجه ولهاني
ولا اطعوس الرمل ذيچة ولا أثرنه ابرمل شاطينه العماني
وخورة الجاري وبلمته اشراع من لفني وخذاني
وجرة الحدّار جره وحوبة الشاطي النسيته ومانساني
وششچي حالي ...
وچلمة المالوم كلفه ... الماله اول ماله تالي
تالي ياروحي انتحزم نشرب اعيون الليالي كدر صافي
ليش ياروحي انتندم .. شنهي ... شمسوين مو گلنة عوافي
ياما روانه الوكت حلو الوصال ونگط الود اعله شافي
يا ما ليل الزلف لفنه وتم عمرنه ابراگه غافي
هسه حزّمنه المكازر ندس بسيوف التجافي
انعيش ساعة غيض وكسه ..
وياهو گال الوكت صافي ..
هذا ديدان المحبة وهذا تالي
وچلمة المالوم كلفه ... الماله اول ماله تالي
هذه القصيدة هي من روائع المرحوم الشاعر غازي ثجيل
************************************************** | |
|
عبير
عضومتقدم
علم الدولة :
رقم العضوية : 2
الجنس : 
تاريخ التسجيل : 03/03/2010
عدد المساهمات : 2720
نقاط : 4156
العمل/الترفيه : ادارية
المزاج : عادي
الاوسمة :
| | موضوع: رد: قصيدة نذر للمرحوم الشاعر غازي ثجيل الجمعة 15 أكتوبر - 21:31 | |
| بجينا هواي من عرسان العراق الي راحو غدر
حسافتهم غازي ثجيل وامثاله من عرسان بلادي
وسوف امر بهذه القصيدة لغازي ثجيل
وشكري وامتناني لمياسمنا العراقية لأختيارها الرائع
كله اتهون جرحي.....أدموعي.....ونتي اعليك كله اتهون
تعبي الراح...عمري أللي خسرته اوياك كله اتهون
شيبي أللي طلع بالراس احسده عليك...كلبي أللي نخيته وصارلك ممنون
بعتني الناس غربه....اوكلبي ضل عليك ....خاف ابرجعتك تحتاج وكفه وعون
وطيتك عمر من شفت جفك عاز,,,,,وانته أتشمتت بيه بس أسمعت مديون
زاعلت الفرح جيه شفته مجفي وياك......ونته الصاحبت حزني وصرتله عيون
سهلات اليجنك بالوجه والله.....بس كلي اليجنك من كفاك اشلون
صدكتك ورد من شفت لون البيك......بس زينه اطلعت مامش عطربس لون
وضنيتك سند من ردت أوجي أعليك......ثاريك كصب بس أتوجه أتخون
ياليرة ذخرنه أشبدلك بتراب,,,,وانته سنين ما بدل زمانك لون
يافالة جلل ومخرزه الشاخات,,,,,يالبيج أنتضيف لو ضلك يلفون
ويابيرغ عراضه أوبيك خوش دراغ,,,,,ياوسفه أصبحت بيد النذل مرهون
وياخرزة يسر تكشف عيون الناس,,,,,شو حصوه أصبحت بيد الذي يكشفون
عاشرتك عمر ومتت بيك اسنين,,,,ضنيتك سند لو دار بيه الكون
خنجرهم لصف وحنه أنتزامط بيك.....فك كراب روحك لاتضل مرهون
وك أذكر كبل من نسل ريشك جان....وحنه انحومي الك خوف أمن اليصيدون
هدينه أبعكلنه أبيوم حاطو بيك,,,,,هسه اليوم حوطتهم علينه أشلون
| |
|
العراقي
عضومتقدم
علم الدولة :
رقم العضوية : 9
الجنس :
تاريخ التسجيل : 23/11/2008
عدد المساهمات : 5179
نقاط : 8875
الجنسية : عراقية
| | موضوع: رد: قصيدة نذر للمرحوم الشاعر غازي ثجيل الأحد 8 فبراير - 20:53 | |
|
ابداع رائع
وطرح يستحق المتابعة
شكراً لك
************************************************** | |
|
اطياف كريم
عضومتقدم
علم الدولة :
تاريخ التسجيل : 17/08/2013
عدد المساهمات : 3634
نقاط : 5471
| | موضوع: رد: قصيدة نذر للمرحوم الشاعر غازي ثجيل الإثنين 31 مايو - 22:28 | |
|
جزااااك الله خيرا.. على هذا المجهود الرائــع..
بــارك الله فيــك على الموضـــوع ..
************************************************** | |
|
