اوسكار الابوذية

ما زال هذا الفن الشعبي يحتل الصداره بالنسبه للفنون الادبيه الاخرى في بلدنا العراق خصوصا حيث كان قديما تنظيمه وابداعه في جنوب العراق خاصة في محافظة ذي قار. اما الان فأصبحت جميع محافظات العراق تكتبه و تتذوقه و تعقد جلسات المطاردات في هذا اللون من الشعر.


ومن خلال اجهزة النقال اصبح ظاهره لايمكن لاي لون من الشعر ان يضاهيه بدأ هذا اللون من الشعر بأتفاق المؤرخين في محافظة ذي قار تحديدا في الشطره و سوق الشيوخ .ولكن اختلف المؤرخون حول اول من نظمه حسين العبادي حيث قال البعض انه ولد في سوق الشيوخ و عاش في الشطره و البعض عكس ذلك ولد في الشطره و عاش في سوق الشيوخ
اود الاشاره الى ان كتابة الابوذيه في القرن الواحد و العشرين غير كتابتها في القرن المنصرم حيث كانت قديما اكثر ابداعا و اكثر حبكه حيث نجد المفرده المعبره و الجميله(الحسجه) طاغيه على تركيبة البيت .لا اريد ان اكون ناقدا
و لكن هدفي هو تشجيع كتابة هذا الفن بصوره اجمل و اكثر عمق من ناحية الصوره الشعريه.اريد ان اعطي لبعض الابيات التي احفظها جائزة الاوسكار
لكل بيت كتب بحبكه رصينه بحيث لا يمكن لاح دان ينقد اي شطر فيه او قفله
واوجه هذا النداء الى كل الشعراء الموجودين في الساحه ان يشكلوا على كل بيت
بتغيير شطر منه او قفله ملائمه غير المكتوبه حاليا يجدونها ملائمه الى البيت
عن طريق التعقيب على الموضوع او ارسال رساله لي .مع اني متاكد كل
التاكيد في هذه الابيات التي سوف اسردها واسماء شعراءها لايمكن لاي
شاعر ان يغير فيه بكلمه او شطر منه لانه رصين و محبوك و اليك عزيزي القارئ هذه الابيات لشعراء من الطراز الاول و من مدن تعتبر مهد الابوذيه ولازالت:

جمبذ خد ابو سمحات منفاك
الورد وارد يساهي العين من فاك
لو بين عليه جفاك منفاك
غصب روحي عليك اتحوش بيه الشاعر حسين العبادي

يناهي اقبل ارشادي ونتصاحي
جذب من شاف شخصك ونتصاحي
و حك سكرة اعيونك ونتصاحي
رضابك سلسبيل و عذب ميه الشاعر سعود النفيسي

نومي اشلون وهمومي تلمني
انحلت و الفضل لهدومي تلمني
علام الناس يا صاحب تلمني
لها الحك مادرت بالصار بيه الشاعر سيد حميد البطاط

مثل حني فصيل النوك ماحن
الك يالخلفت بالكلب ماحن
ردت بجفاك حتفي يحين ماحن
تركني لونسة الشمات بيه الشاعر هاشم فليح

احبابي الاعز من صحتي صحتهم
جفوني و لا ضمايرهم صحتهم
بهدمي اعمت و بلساني صحتهم
سمعوا شافوا فلا ردوا عليه الشاعر جواد الجياشي

علامك يا جفن ما بطل وشلاك
افضحتني يصير اكضلك خيط وشلاك
بس امن الرشيح اشبعد وشلاك
المضه ماضن يعود انوب اليه الشاعر علي موسى حشيش

حركت الثوب بالاهات وعباي
وحملت اهموم جمه وضيم وعباي
چلب اهل الكهف من صحت وعباي
نبح واهل الكهف فزعوا عليه مهودر الحلفي

بليالي اجفاك ماتدري مناحاي
عليك محزم وناصب مناحاي
بشوكك لاتگولش حي مناحاي
عراز امشي اعله جود الشمت بيه سيد محسن ابو طبيخه

ملوم الناس حيل اوياي منداي
انادي ولااظن ايفيد منداي
الك داي بدليلي داي منداي
عظيم وبتوالي يعم عليه جبار خضر

الف اه بدليلي من يزلهه
وجثيره اتعبت روحي من يزلهه
صديجي اسمحله زلته من يزلهه
شمعنه انه من ازل يكصون بيه دحام جبار ال حامي

عميت العين من المسح يردان
عله النزلن بوادي النزل يردان
يصاحب كوم ذني البيض يردان
عبد مملوك وديهن عليه ابو معيشي

هنا يلي احسبت تجفي ونسلاك
اخلافك دوم مانرهم ونسلاك
انجان انته مضه عيدك ونسلاك
مثل يوم الطبگ عيدي عليه محسن نايف الشطري

زماني حط الي عله يعله
ينزل الفوك والواطي يعله
اود هسه العمر يخلص يعله
ولا عيشه بمذله ادوم اليه هاشم فليح

انشفن يا دموع الهم و طيري
عله الماخلص وياهم و طيري
گطه طيور الخلك تلزم و طيري
حيايه ايجيب و يصلگط عليه نعيم الخباز

نشرنه اعلام ودك وانته وينه
ونطيح بنار شوكك وانته وينه
حجينه اوياك ثابت وانته وينه
الحجي ولزمه عصة العباس اليه دحام جبار

شبه طير الگطه الضامي علاماي
امر ولاارى منكم علاماي
بهاي الدار اهل ودي علاماي
بحداهم كمت اصيح بلاوعيه عبدالحسين حميدي

وحك سورة الم نشرح ولنفال
لساني انعگد من شفتك ولنفال
دعيت الباري بالخمسه ولنفال
قسمتي اتصير حد يوم المنيه ابومعيشي

الدر مايبس جفوني وشرهن
طحت بالغاسق الواقب وشرهن
رهنت الروح لودادك وشرهن
بعد بس كاع كبري وموش اليه ستار دلي

دنيف متيمك مايوم بسم
مغذيني يساهي العين بسم
من وجدك غديت الظم بسم
ابد سم الخياط يضيج بيه مله جادر

نحرني والهدم مسفور ردناي
شطت لله وعمود البيت ردناي
ريمه جن غزال الصيد ردناي
سمع طك الزناد وعاف ميه سيد علي الهلالي


للأمانة منقووووووووول

توضيح جيد للابوذية

رعاك الله

( الف يا وسفة حيكم شلنه بيها********** كثيــرة جرح منكم شلنه بيها)
( اهل ذات الردية شلنه بيـــــها********** لو نعـــلكً العشـرة هيَـه هيَـه)

******

( هلي انعرفوا بطيبتهم و منهم ********** و كل خير انوجد بيهم و منهم)
(منهم من قضه نحبه و منـــهم ********** بكًــه ينتطر ساعات المنيــــه)

******

(استعر كًلبي بلهيب الشوكً و اجفه********** على اللي زعل مني و راح و اجفه)
(إلي ويـَـاه يــــوم الحشــر وجفـــه********** طويــــلة و النظر مرخوص اليـــه)

******

( متى هلال السعد بالعز يهلنــــه********** زمـان الشـــوم بالغربـة يهلنـــه)
( والله لمـــــن اذكركــم يهلنـــــه********** تشـب و تنـــطفي النيران بيـــه)

*****

( عكًب ما جنت للتكًبــــل أهلهـــــــا********** صرت دمعاتي ويا الدم أهلهـــا)
( غريبة و روحي من تذكر أهلهـــا********** أجر ونـه بأثر ونـــه خفيـــــــه)

تلوعنة وشفنه كل حلاوتهم ومرهم
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه


همت وانسلب عكلي وزاد مرضاي
على المر ماشفت شخصة مر ضاي
لون بات الترف بحشاي مرضاي
لكه اكرب يهل مبعد علية


بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية

لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه

سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه


وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه

وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه


عجب خلخال ساكك مايرنش
جبح ودموع عينك مايرنش
يرن منك مصايب مايرنش
كرهتك لوحياة تصير اليه


تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه

روحي من الهجر عجزت ولابت
حلفت بدار ماأنزل ولا بيت
ذكرك مابقى ب***ي ولا بد
انكطعت من كطعت الوصل بية

تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.


وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه



الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه


احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية


اسعدني مروركم جدا وتواجدكم بمتصفحي