اروع الابو ذيات ,,,

معاد الناس كلهة وانتة أصلـــــي
مثل غصن بفروعك وانتة أصلي
راح اوكف ابابك وانتة اصلــــي
.
وكل طلقة التجيني ضماد اليــــة

قدر مكتوب حبك وانتة قسمــــة
الواحد مالة ناتج من تقسمـــــــة
لون بسيوف كلبي من تقسمـــــة
دشوف معزتك شنو امسوية بية
عليك اصغار تسالني والكبــــار
وانا المتقي بحبك والك بــــــار
الك كنيسة بنص كلبي والك بار
تصلي وتسكر وتخطب عليـــه
احب جفنك واحب عينك ورمشـــــاك
واضل طول العمر امشي وره امشاك
اذا تكطع مراسيلك ورمشـــــــــــــاك
اسويها معارك طائفيــــــــــــــــــــــه

وگع گلبي بغرامك ماتشيلـه
وجرح شوگ البيه ماتشيلـه
اخابر وأنته تسمع ماتشيلــه
ولك هالروح ماتحمل أذيــه

حبيتك واصبحت ابغير .. عـــالم
ورب العرش يشـهدلـي .. وعـالم
طالب اني عندك وانت .. عــــالم
تشرحلي وترد تمتحن بيــــــــــــه

نشدت الناس عنك و انته هينـــــه
و على فراكك تعذبنه و انتهينــــه
قلبي انته التعذبه و التهينــــــــــه
بس تظل انت اعز محبوب اليــه

حبيبي جروح الك بل روح حالن..
وأمس چنت احسن من اليوم حالا..
أريدك تنتخيلي وتمر حــــــــــالا..
باچر وين ماتلحگ عليــــــــــــــة

هام العگل من شوگگ وجن بيــك
وشبيه الگمر من يضون وجن بيك
ابوسك لو يحبسوني وجن بيــــــك
أوامر من وزير الداخليـــــــــــــه

غرف رمان بخـــــدوده غرف تين
ويريت اغرفلي من حسنا غرفتـين
داجر مشتمل كلبي غرفتيــــــــــن
والايجار بوسه بكل مسيـــــــــــه

عقد ياقوت ذرعانك وفضــــــــــه
على المخلوق طش حسنك وفضه
حسابي وياك اريد اكعد وفضــــه
واحجي العلي والمو عليــــــــــه

ردت طيفك يلوح بيوم مــــالاح
وطعم فركاك صار هواي مالـح
بعد مادز رساله وابد مالـــــــح
لان كلما ادز مترد عليــــــــــه

روحي من الهجر ملت وسالت
عليه احباب لانشدت وسالــــت
الف دمعه الجرت مني وسالت
ولادمعه الجرت منهم عليـــــه

اخذ گلبي حلالك وانتحر بيــــــه
اخذ دمي وشرايني وانت حر بيه
سم بالماي احطنك وانتحر بيـــــه
ولا غيرك يمس اصبع من اديـــه

حياتي عكب شخصك شلي بيــــة
وجميع اعضاي صارت شلل بيـة
توديلي رسايل شلي بيــــــــــــــة
اريدن شوفتك والكعدة سويـــــــا

شوفني الفراگ نجوم ظهــــري
وگمت للشيبة اگلهابساع ظهري
ردتك يابني انته حزام ظهـــري
ترد العيلة لوصارت عليــــــــه

اذهب ورتحل عنك ورد ليـــــــك
و من بستان كلبي ارسل ورد ليك
يمعذب كلب دامي و أرد ليــــــك
رسائل شوك وياهن هديـــــــــــه

انه بحبك ابد مايوم غشيــــــــــت
وعن كل البنات النظر غشـــــيت
گعدت يمه وعليه بسكوت غشيت
وگف صاح المدرس غش عليــه

يرأس المال انته والتجاره
عليك عيون تهمل والتجاره
عونه الصار جارك والتجاره
يشوفك كل صباح وكل مسيه

نبع صافي ويجي العطشان وارد
وروضك بالشرف والطيب وارد
تاخرت بجوابي عليك وارد
خالك لا علت صبرك عليه

ضاع المحبس بجفك ولا بـــــات
وكلب غيرك عسى ليبكه ولا بات
الغيره والادب لحمه ولا بـــــات
بنص تنزل على البيهم حميــــــه

الوادم حجت من شافت ولا مت
وحبك ساكن بروحي ولامــــت
اكول اصبر والي الله وألى مت
اصبر والصبر مالة رجيـــــــة

عذولي من البواچي جار منـي
وعليك الدمع من دم جاري مني
كون احضنك وتصبح جار مني
واگابلك كل صباح وكل مسيــة

اني روحي رچيچة وحيل خضــرة
على ام شعر الذهب وعيون خضرة
بعتلهة الگلب باعتلي خُُُُُُضـــــــــرة
ريحان وكرفس اربعة بميــــــــــة

عليك الدمع ما بطل ..وجاري
هلي ملو كثر نوحي..وجاري
العلي ما صار بلدني..وجاري
صديقي والعدو هدو عليــــــة

وحك الله وكتابه وعيسى ابن مريم
اموتن انه واحيه بحبج يمريــــــــم
يفز بالليل كلبي يصيح مريـــــــــم
ترد الروح من يمر اسمج عليـــــه

احبك يابو شامه والوجـــه دوار
انا كلبي عليك من الصـغر دوار
والله لعوفن مهنتي واصير دوار
ودورعليك كل صبح ومسيــــه

ألف شكر لكَ على هذا الموضوع المميز و المعلومات القيمة