مليت الحزن

ack]مليت الحزن
مليت الحزن من جرح ذاك اليوم
ذاك اللي كتلني بذيچ ذبحاته
ذاك اللي اخذ من عندي هاي الروح
سلبني وسلب من گليبي دكاته
يغنيلي العذاب بحسرة الاهات
يضمني بجمر ليله وطول سهراته
اخذ مني حبيبي الي عشگته هواي
وانطاني المواجع كتب جلماته
حبيبك هسة لية وبعد لاتندار
وامشي بدرب ولفك واخذ حكماته
اتذكر كبل مايهل هذا اليوم
حاچاني وتعب خنگتني عبراته
يسولف بية ينهت باجر اني وياك
رايد بس تكحل عيني نظراته
وانطاني لحن بس يمة جان يدور
رسملي بروحه لحنه بجرحي نغماته
اجه وكت التفارك بيه الارواح
وجه وكت الحزن يرگص بماساته
يهذي بروحي يرجف وين ما اندار
ويلوليلي بعشك مرسومة لولاته
واني اشوو احس بية الوكت ينهاار
ضايع چني قطرة ابحر دمعاته
اصيح الليل ويل الويل يا آآآه
وينه اللي يضمني بطيب شماته
وينه اللي يغطيني بحنان وطيب
وينة اللي انام بحسن لمساته
بعد ماظل امل من بعد ذاك اليوم
شاء القدر لية وطبع بصماته
اذا يكدر زمنة يشيل الارواح
مايكدر يشيلك من عباراته

نقلe=24][/size]

**************************************************

مليت الحزن %25D8%25B5%25D9%2588%25D8%25B1%2B%25D8%25A7%25D8%25B3%25D9%2584%25D8%25A7%25D9%2585%25D9%258A%25D8%25A9%2B%25D9%2585%25D8%25AA%25D8%25AD%25D8%25B1%25D9%2583%25D8%25A9%2B-%2B%25D8%25A7%25D9%258A%25D8%25A7%25D8%25AA%2B%25D9%2582%25D8%25B1%25D8%25A2%25D9%2586%25D9%258A%25D8%25A9%2B%25D9%2585%25D8%25AA%25D8%25AD%25D8%25B1%25D9%2583%25D9%2587%2B%25D8%25AC%25D8%25AF%25D9%258A%25D8%25AF%25D8%25A9%2B-%2B%25D8%25B5%25D9%2588%25D8%25B1%2B%25D8%25AF%25D9%258A%25D9%2586%25D9%258A%25D9%2587%2B%25D9%2585%25D8%25AA%25D8%25AD%25D8%25B1%25D9%2583%25D9%2587%2B%25D8%25B1%25D9%2588%25D8%25B9%25D9%2587%2B-%2B%25D9%2585%25D8%25AF%25D9%2588%25D9%2586%25D8%25A9%2B%25D8%25A8%25D8%25B5%25D9%2585%25D8%25A9%2B%25D9%2586%25D8%25AC%25D8%25A7%25D8%25AD

اتذكر كبل مايهل هذا اليوم
حاچاني وتعب خنگتني عبراته
يسولف بية ينهت باجر اني وياك
رايد بس تكحل عيني نظراته
وانطاني لحن بس يمة جان يدور
رسملي بروحه لحنه بجرحي نغماته

اختيار اكثر من رائع ومميز يامارد

**************************************************
أحلى مابيك ومن صفاتك وصلك

أروح وياك للشمس لو تريد أوصلك

ولو تصير بأخر العالم على رموشي زحف أوصللك

ميت وبشوفتك ترد الروح بيه ........

(( دك هونك يا حزن ))
للشاعر::: خالد العامري

دك هاونك يا حزن ... واسحن بكايا الحيل
ثلاثين عام وحمد ... لا مر ولا اجه الريل
دك هاونك يا حزن
خليني اسمعك ترن
مامش بعد كل رجه ... يوصل قطار الليل
دك هاونك يا حزن ... واسحن بكايا الحيل

***

يا حزن دك هاونك ... خلّيهم ايسمعون
أحباب الي من الجهل ... عالسجّه ينتظرون
يمكن قطار القهر
يوصل يصيح ابقهر
والقهر فرّخ قهر ... والريل ، ماجه الريل
دك هاونك يا حزن ... واسحن بكايا الحيل

***

وك يا حمد يا أمل ... بعيون الحديثات
شماله قطارك عطل ... ما وصل لام شامات ... ؟
خانتك سجّة هلك ... ؟
لو ريل ليلك هلك ... ؟
ننشد نريدك تمر ...والله نشيلك شيل
دك هاونك يا حزن ... واسحن بكايا الحيل

***

للّيل لسعة شمس ... والشمس بردانه
والروح نخله بجرح ... من اسنين عريانه
وينه الينشف الدمع ... ؟
ويسمع الماينسمع ... ؟
غص الكلب بالصبر ... شنصبر بعد يا ليل ... ؟
دك هاونك يا حزن ... واسحن بكايا الحيل

***

يمته تمر يا حمد ... ويّاك النه عتب
ثلاثين عام النخل ... شيّص ابعثكه الرطب
والنهر يبجي الراك
وعراك يبجي اعراك
لا بالمحطه رف ضوه ... ولا بينه من شم هيل ... ؟
دك هاونك يا حزن ... واسحن بكايا الحيل

***

وك يا حمد يا شذر ... يا موكد الجمره
جنّك كسرت الجدم ... يابو زند سمره ... ؟
يا حيرة البالكلب
مثل المنيّه وتدب
بارواح اهلنا الكضت ... سنبل واخذها السيل
دك هاونك يا حزن ... واسحن بكايا الحيل

***

حزنن تراجي الفرح ... والدمعه هلهوله
وخزّامه صار الصبر ... والمستحه سوله
شطولك يا ليل الصبر
تشبه عذاب الكبر
موته وبعدنه بأمل ... يوصل قطار الليل
دك هاونك يا حزن ... واسحن بكايا الحيل

***

الكطا رفّ الجنح ... ومثله العراقي طار
لا سنبل ابدا بكه ... ولاظل وطن لا دار
حتى الفخاتي ارحلن
بطوك الحزن سافرن
وشاخ الضبع عالسبع ... وجالونه بالهم جيل
دك هاونك يا حزن ... واسحن بكايا الحيل

***

آنه ارد الوك الحمد ... ما الوك انا الغيره
كالتها وتندمت ... وطاحت بالف حيره
من شافته ما أجه
وما بيه أبد كل رجه
صاحت عليه اشتمر ... عن سجّتي يا اسهيل
دك هاونك يا حزن ... واسحن بكايا الحيل

***

زخّن ليالي الحزن ... جيلات فوك الضلع
والفجر طش حمرته ... بعيون اهلنا دمع
طلكنه والله الصبر
ورحنه مشي للكبر
ورفضوا دفنّا بعذر ... الدفان ما بيه حيل
دك هاونك يا حزن ... واسحن بكايا الحيل

***

للصبح فزّت نهد ... وكطرة ندى الحلمات
ومورّدات ابغنج ... فوك الكلب حسرات
يا حلو يا شكرلمه
حن اعله من السمه
ما ظل بعد بالعمر ... موشّل تره توشيل
دك هاونك يا حزن ... واسحن بكايا الحيل

***

شهكه اعله شهكه العمر ... حدر الكناطر كضه
وضلوعنه من الهظم ... كلها تره مرضرضه
بوس الألم يا جرح
وتوالف ويالجرح
فرسانّه اتكوطروا ... وعريانه اجتنه الخيل
دك هاونك يا حزن ... واسحن بكايا الحيل

***

ملّينه ريلك حمد ... عالسجّه منتظرين
ورحنه باجفان الدفن ... للكبر متونسين
بس ما لكينه كبر
وردنه نأجر كبر
كالوا تره المكبره ... ما بيها أنج ايشيل
دك هاونك يا حزن ... واسحن بكايا الحيل

***

كلما يزيد القهر ... للفرح دكّت باب
وكلما يكون العتب ، خنجر ، نظل احباب
والقصّه قصّة حمد
وريل انكطع للأبد
لكن نظل ابرجه ... يوصل قطار الليل
دك هاونك يا حزن ... واسحن بكايا الحيل
ثلاثين عام وحمد ... لامر ولا اجه الريل

اختيارك اكثر من رائع يامارد

زائر

دائما متميز ورائع باختيارك يامارد
واول مرة تنقل موضوع عن الحزن
وراح ارد عليك بقصيدة للشاعر صهيب السامربيه شكد حزن ماسولفتلك بي
وبييه شكد قهر يحرث ارض عيني

يطش بذوره ليل وبالسواجي هموم
وناعور الدمع لساعه يسكيني

خفيت جروحي كلهه وصبخه هسه العين
شما تزرع بعد ميخضر بطيني

جنت يمك جمر من مر شتاك شهور
وجنت انه اشتعل وانت التدفيني

بعد ماصير ابد جمره وشتاك يزول
يجيك الصيف تالي بماي تجويني

ولا مثل الشراع ابقه بسفن جفيك
ومزاجك ريح وبكيفه يوديني

خلص دور الوكت مايسوه بعد الكون
ولا يسوه الندم يصفكله جفيني

بيني وبينك انت شكد مسافه اليوم
وصرت ناسيك اني وانت ناسيني

ماجانت مسافه الأمس جنت تعيش
قريب بصفي كلش بيني وبيني

لا ذكرى البقت بيهه اذكرك وارتاح
من ارجع واكلب دفتر سنيني

بكل ورقة دمع وبكل سطر اعذار
من كد قهري احس الورقه تبجيني

طبع سجين طبعك بيدي جنت تنام
تخاوي جفوفي ماتكدر تلاويني
لكن مو غريبه تصير بيد الغير
وبلحظة غدر تكطعلي جفيني

دين بركبتك كل عمري ذاك الضاع
وماريده بعد متبري من ديني

بس كون انت تبعد ابعد من الغيم
والف صدفه تمر وماتلاكيني

شكرآ جزيلا على الموضوع الرائع و المميز
واصل تالقك معنا

**************************************************

مليت الحزن Aba1bc1843c30531c0c814de9e65285d

جزااااك الله خيرا.. على هذا المجهود الرائــع..
بــارك الله فيــك على الموضـــوع ..

**************************************************

مليت الحزن Www.bysio.com-i-best-image.ucoz.ru-ph-38-535924228

» مليت للشاعر جمعة الحلفي
» قصيدة بعدك يا حزن من عندي ما مليت
» لماذا الحزن
» لماذا الحزن
» صاحبت الحزن