انت حياتي

ظلمة صارت كل حياتي. وسودة من يوم الرحت


وين كَلي تريد أدورك؟؟ .. وانته وي روحي ضعت

يل عـــفتني شلون ترضه .. لغير شخصك ألــتفــت؟؟

تبت من كلشي بحياتي .. ومن غـــرامـك ما تـــبت

ردت بس أنساك لحظة .. وحـــاولت وتمرمرت

وصار نــســيانك قـــــــضية .. وبيهه كلش تيهـــت

وكَلت وية الوكت أنسه .. وحته مل مني الوكـــــت

بكل دقيقة يزيد شــــوكَي .. وما نســــيت وأيســـت

هم هجــرت النوم مثلي؟؟ .. ومثــــلي هم تعـــذبت؟؟

ومثلي هم بنار تــغفه .. وتصحه بــدموعك صرت؟؟

جــنت ملموم بهواك .. ومن عــــــفتني اطشـرت

وجبل جنت وياك واكَف .. لكن بــــهجرك طــحت

انته ربحي بهالزمان .. وغيرك آني شــــــحصلت؟؟

كافي مو طول غــــيابك .. كـافي مو والله متـــــت

كـافي مو والله متـــــت...


م ن

قصيدة رائعة وحلوووووة
مشكووووووووور

اختيارك رائع ومميز بالشعر يامارد
ننتظر مشاركاتك الجديدة لكن بالفصحى
ممنوتك

اشكرك الاخ العراقي لمرورك وكلماتك
الجميلة

الاخت عبير
اسف هذه القصيدة باللهجة العراقية
يطلع عليها اما عراقي او عربي يعرف اللهجة العراقيى

سوف اختار قصيدة بالفصيح
انشاء الله
مشكورة للمرور