[
ليش خلينا الدمع ينزل رخيص؟؟
وليش كل لحظة جرح نكتب شعر
وليش ذبينه الفرح والهم جبير
وليش رغم اخطائـنه نحب نستمر
ليش مذبوح الوفه بلحظة خداع
وليش مات الشوك والحب يحتضر
وليش خلينه المشاعر بس كلام
وبالعتاب شفافنه شكد تعتذر
آ آ آه منك يازماني تغيريت
وجسر طبعك صاير وماتنكدر
إلمـشـه بصفك خذيته ومدري وين
والرفض يمشي انوله من كل كتر
والغدر ناسه رفعته على الجتاف
وصاحب الصاحب كضه سنينه عسر
اه يادنيه صدك مابيج امان
وفرق بين اليوم وايام وايام الزغر
جانت كلوب البشر تنصع بياض
هسه لون كلوبهم ماينحزر
ممكن بلحظة يجيك بكل هدوء
وممكن بلحظات يتحول نمر
وانه محتار ويروحي بهالزمان
ساعه اشد روحي مثل شد الحديد وساعه الين الروح حد ماتنعصر
وساعه احس روحي على هدومي غريب
وخلص صبري ومابعد بيه صبر
وساعه اذب دمعي وانه كباله
وبيني بين الموت ساعتهه شبر
مما راق لي]