ياغـــــــريب اشلون تبجي بغربتك
يا غريب بغربتك هـــــــــم الك بيت
وهــــــــــــم الك ام التنشف دمعتك
وتمسح ادمـــــــــوعك أذا انته بجيت
وهم الك خـــــــــوان توفي لخوتك
وتوكف اتعـــــــــــدلك أذا أنته حِنيت
وهم لكيت بغــــــــــربتك مثل الأهل
وهم مثل ديــــــــرة هلك كلي لكيت
وهم تحس بلذة انـــــــــــواع الأكل
لو مثل أكل الحنينه مـــــــــــــــا كليت
عفت أهلك أدري مــــــــن أجل العمل
وادري مـــــن أجل الاهل انته غربيت
والله صعبه وصعب حيل ادري الفراق
وصعب تترك بيتك الي بــــــــي ربيت
واعـــرف المتغرب إيعته اشتيـــــــاق
وانته متغرب سنين ومـــــــــا إجيت
ارجــــــع لأرضك أرض اجمل عراق
أنته مـــــن غير العراق ادري انتهيت
ن ق
**************************************************