شلون اتخون وانت حلفت بأيات
مزلاجة طلعت مو درج بايات
تريد اتروح مو بس باي بايات
ول يرجع الف نعلة على بيه
جرحك الية اتكول جارحني ابشفرة
وقلبي بعدك محد يدخلة امشفرة
لجلك اتغيرت وكمت البس اكلايد وشعري اشفرة
سويتلك اهواي اشسويت الية
خزرني وصد حبيبي وكلت والناس
متكرب يل الي بدنياي وناس
كلتلة ارد ابوسك كال وناس
اخو نكلهم يريد يبوس اخية
الشمس كلي يصاحب شعلة منهة
وترى وجنة حبيبي شعلة منهة
ثاري العين تكره شعلة منهة
مثل ماتكره الروح المنية
حلاوه وعسل يالغالي صفن بيــــــك
وعقلي ماصفن بحـد صفن بيــــــك
الليالي ويـن يمـــدلل صفن بيــــــك
وخلـــــن شوفتـــك حســـره عليــــــــه
أفز من يكبل وليفي وافر بيه
واشبكه ومن فرحتي أركص وافر بيه
أذا بالشته وجو بارد وافر بيه
أحس تموز حضنه يصير اليه
سنة دمعي ترة حفرة وسنة سال
وسنة بحبال ربطني وسلاسل
وسنة مجنون خلاني وسنة سل
وسنة هدني وكعد يضحك علية
أنا العايش همومك وسطك انه
وكلي أغدي من اشوفك واصتك انه
تكلي وينك انت وسطك انه
تدور بالنبض تعثر عليه
التفلش بعد ما نتعب نشيدة
والينشد جذب شيهمني نشيدة
البلبل لاتظن يخرب نشيدة
ربنا مكلفة من هالقضية
اليه بالمعاني كان ماكان
وعلي هسه يتجعبن كان ماكان
بطران ويسولف كان ماكان
ولك ياكان والكانون بيه
**************************************************
