تدري شوكت أنساك وبقلبي تهون
من تسمع آنا هناك بالقبر مدفون
مخبل تريد تروح لو صابك الجان!
لو تلعن الشيطان لو تبقه دفـــــان
مخبل تريد انساك متگلي شنسه
حتى الحزن وياك ياولفي ونسه
الجرح صح ميطيب والده بهاي
عبره وعظ ايكون للفاكد الراي
طل الفجر ياعين ليش ماتنامين
العافج بعد ميعود المن تسهرين
لو غبت عني الروح احسبها شده
واحرك بدمع العين حتى المخده
خبلني ذاك الطول خبلني رسمه
غلطه ومعرفت لليوم محبوبي شسمه
خدك ترف شفاف لين صدك هش
كله ورد جوري ومن الدمع ينرش
غلطه وتريد اتصير حجه وردته
لوجنت طيب دات جان اغفرته
**************************************************
