وحك هموم البصدري .. والاكراب
الماي بغيبتك صدك .. ولك راب
الي رب اليصبرني .. وألك رب
اليفجعك بالعليهم خنت بيّه
سلمتك كلب مابيه حرف مكتوب
مثل ورقه رسم وانت اكتب بكيفك
يالمشخبط حياتي الله لاينطيك
قلمك ماكتب بس الكتب سيفك
يلعفتني ابساع جي غيري لكيت
مودع الله وياك ووياي الجرح
الملح فوك الزاد يمعود شجاك
انت فوك اجروحي حطيت الملح
اعاشر غير شخصك اني مجنون؟؟
مخبل حتى احب واحد بدالك
على ايدك قفلت الگلب والعين
مبري الذمة ألك صارن حلالك
نجوم الليل كَامت تحسد شفاك
جي من الورد شفتك خذت لمعه
احير من ارد ابوسك ياهو اختار
إذا وجهك كَمر وخدودك الشمعه .
•لان طيــب گلــب مااغــدر الناس
عشت عمري وحياتي انہ مجروح
ولاذنبــي الاحبـــہ ابگلبــي اخليہ
يتعلــم براســي العشـگ ويروح
عنك لو رحت مااطول اني اهواي
الرموش فراكهن حسبة ثواني
وامانة الغيري وجهك لاتراويه
واذا تشتاك سولف وي مكاني
احط راسي بقفص لو طال الفراك
اخاف يطير عقلي من الاكيك
كُل يوم الحِزن يتصـارح وياي
واكَلّه ماأحبك لاكن ايحبنـي
أكَلّه مرتبـط ويكَلّي شـرّاي
أكَلّه مو حلو ويكَلّي تعجبني
منـو المنكم يگضي الليـل مرتاح ؟
ومنو بشفافه باني للضحك بيت ؟
يشــردن مني سالوفــات الافــراح
وحتى الصبــر ضاج و گـلي ملـّيت
احبك مو حجاية بشعري تنكال
احبك صوت حسرة ابين الأنفاس
لأن حبك احساس بروحي موجود
وبعد مالاكي كلمة توصف الأحساس
غلط سموها قمه وكلشي ميعرفون
بس قمه جمالك تنحسب قمه.....
**************************************************
