ابوذيات صباح الهلالي
بسواد العين يسمر منت رابي
شعجب كلبك تغير من ترى بي
انه مااضن ترابك من ترابي
حضنتك والعسل جلب بديه
سلالتكم نسب يوسف نسبهه
الدنيه بغير نظراتك نسبهه
الوادم ميه بالميه نسبهه
بس نسبة جمالك سبعميه
اصد وازعل وادير العين طبعن
لأن من هجري سيوف طبعن
حلو وتنحب ولكن بيك طبعين
تشك وتغار من نفسك عليه
وحك الطلكاهه ثلث مرات
مو مره عشرتك ثلث مرات
احسن بيك انت الثلث مرات
واحس ثلثين جنهن مو اليه
هوينه ومن هوينه من هوينه
غشمه وماعرفنه من هوينه
اليوافي بالمحبه منهو وينه
اذا تلكاه اكص اثنين اديه
سواد العين عكبك سالمني
وعذولي من المكابر سالمني
هواي جفوف بعدك سالمني
ولهسه ونار جفك بين اديه
مصباحك ورود بلون شفتك
مريض وصفت الدكتور شفتك
ما اكولك فرحتي بيوم شفتك ؟؟
من يوم العرفتك عيد اليه
7
7
7
لان سفن الحزن غركها يمك
ولان كل الجروح اطيب يمك
صخره وما تحس بالشوك يمك
تسع شهور ضمتك عليه
7
7
7
وانه بدونك احس العمر زحمة
وبكلبي الجروح اتصير زحمة
اذا ما اكلفك وعليك زحمة
لون مريت بس سلم عليه
7
7
7
وانشدني انا بيا حال حالي
عايش بالحزن والشوك حالي
احس انا مرار الدنيه حالي
لو بالحلم طيفك يمر بيه
7
7
7
ويكلي ياشريك الروح مرنه
تعال وزيح بالبوسات مرنة
صعبة الروح بس اتصير مرنة
لون جفك يمس اطراف ادية
**************************************************