عتاب دارميات بين حبيب وحبيبته عندما اقترب وقت اعدامه بأتمامها نصف الدين
قال لها:
يل رحتي طيره بليل جا يمته ملكاج
شجره وغصن مكسور ضل حالي بجفاج
قالت له:
لو تنفع الحسرات وتعود الايام
جا حسره الك ذبيت كد ضيم الايتام
قال لها:
الحسره ما تراد بمفارك الموت
اسم العرس بذناي سميته تابوت
قالت له:
لو ماشي اخذني وياك ودفني فوكاك
خاطر يمرني الدود لو يوصل حذاك
قال لها:
شلج بعد بلموت شو حالج بخير
فرحانه عين بعين من رحتي للغير
قالت له:
يا فرحه يا بسمات للميت اعضاه
تسمع عراضة موت من تضحك شفاه
قال لها:
ادري بدمع تمساح بعيونج تبين
حسفه والف يا حيف ضيعت السنين
قالت له:
يا وسفه رمحك بان بأول نواعيك
يل جنت اذل الروح بس كون الاكيك
قال لها:
يا رمح يا طعنات ضنيتي خليت
لملاكه روحج جان يتعارك البيت
قالت له:
روح وبعد هيهات يرجع هوانه
العشره وي بذات ذله ومهانه
قال لها:
روحي الله لا يطيج يل سحكتج ريل
سجه وحمد بلروح من دستي بليل
الشاعر علي كاظم الصبيحاوي
**************************************************
