سكر كاس الخمر من ضاك نفسك
واكو غيرك حلو بس ماكو نفسك
اريدك يا حبيبي تبوس نفسك
بس ابداخلك تنويهه اليه
عشت شمعة بالليل هجرك ... شايل بروحي جمر
وروحي خلصت دمعة دمعة .. وذابت سنيني شعر
ومن لكيتك ... كتلك ارجع ....
بيني وبينك جهنم مايطفيهه عذر ......
والله موتني ضميري ................................ واني كل تفكيري بيك
حتة من اصفن وافكر واشتهيك
استحي حتة بخيالي ما أمد ايدي عليك ...
شلون مني تروح وانه المشتريك
وهذا يا اعمى كلب مني خذاك
لا يعرفك ... لا يحبك ...
لا بجة بالليل المحنة ... ولا نسة عمرة اعلة اديك
لا كبرت اكبال عينة ...
ولا يهزة الشوك بتلاثة الفجر مثلي ويجيك
ولا عمامك شالو ابوجهه تفكهم ... ومثلي ما ساحك الموت ومعتنيك....
كلشي يخلص ....... بس تظل الاخر الدنية حسرتي
ودمعة عيوني عليك
بكد حسرتي ... بكد مصابي
دورت بس مالكيتك .............. ضيعيتك ...
مثل ما هاي الليالي
ضيعت عمري وشبابي
كون اشوفك مرة وحدة
حتى ابجيلك عتابي
خاف اموت وما اشوفك ... الموت كابلني وكعد عينة اعلة بابي
كالو ضاع منك واضحك على الكال
لان لو ردت اضيعك روحي اضيعها
و اميزك لو صرت دمعه بجفن غركان
و إذا تسكت شفافك أذني تسمعها
موش كل اثنين ثالثهم ابليس
العمل بلنيات اصح بالنسبه الي
من تجي بنية تفرحلك يتيم
تصير انت وياه وثالثكم علي
**************************************************
