أفتح صبح كل يوم بعيونچ السود
والشمس تصعد حيل من طولچ تزود
* * *
أرد أوصف الحلوين من دون الأوصاف
بالشّفه شفت الماي مّنه النبي يخاف
* * *
گالت ها شتريد يالهاوي مني
گتلها هذا الشوگ شاعر وأغني
* * *
أرد ألبد من الناس برموش العيون
وتضمني عشر سنين وتردني مجنون
* * *
لا صاير ولا صار صبر الصبرته
خليتچ بصندوگ گلبي وقفلته
* * *
ضميني بثنايا الروح ورموشي مفتاح
أمن ينور العين تاليهه ترتاح
* * *
من تزهي لآخر صوت يبرج ضوها
هايم وأعد سنين عمري بهواها
* * *
توصل "الحلوه" اليوم خاطرهه مكسور
والزعل بالوجنات ماي الله وينور
* * *
گتلها خلنه نسير ويه هاي الأفلاك
گالت لي لا.. بالروح بس ألهج وياك
* * *
وبهيده يالتضوين حيل أوجر الهم
من كل كتر وأندار وبگلبچ ألتم
* * *
بالشوگ أنه الغرگان وأشمر بديه
أنتِ الجرف للروح وأنتي المنية
* * *
تدري النده البشفاك لو لامس أشفاي
شهرين أظل بالصيف ما أشرب الماي
* * *
" سيِّد" وأشور بيچ وأگطع بناتچ
خليني أطب للدار من حِسن ذاتچ
* * *
" سيد" مَا أروح وياك اچفيني شرك
مو عذبيت الروح من فلك طرك
* * *
**************************************************