من كال افرحت من مر علية العيد
من كال افرحت من مر علية العيد
وانه وي الدموع اتعايد لوحدي
(المبارك) حزن و(العايدين) آهات
والبيه جثير منين بيه ابدي
ابدي من الزغار الرايدين اهدوم
وانه بلا هدوم معيد بجلدي
العبرة حبل يخنكني من يبجون
والبابة رمح واتركز ابجبدي
لا أكدر اكلهم بوية لا مو عيد
ولا أكدر اكلهم بوية ماعندي
يا حزن الشجر من ما يضوك الماي
ويا ظيم البلم لو فاركة المردي
اتكرظم غصب واغزل ابهم الليل
وكل موسم اخضّر مو ورد بردي
وأشرب من حركَتي المر واكول اتهون
واسنون الدموع ايكطعن ابخدي
وأدفة ابزمهرير وأرجف ابتموز
ولخاطرهم آني اتبرع ابجبدي
إذا عيد الزغير هيجي سوة وياي
أظن عيد الجبير اتحول امجدي
م ن
**************************************************
