العوز اكل مني عمر خاطر اجيه
ايشوفني واكف ذليل ابحضرته
ومن وساعك خلكي وصبري الطويل
من ايدي صار العوز ياكل خبزته
ولذالك نشف اكصص الضعاف
كبالي هو العوز نشفت كصته
شاف جفي يصير خبزه اليجيه
وشافني سفره اصيرا الكرم
وشاف بشفافي الهلا اتعادل مضيف
وشاف اجيب الكو انه منل العدم
والذالك ماوكف يمي سليم
كبال عني العوز ياصاح نهزم
صح جرح بالروح خنجر مشتهاك
وابد ماهمني الجرح مهما نلجم
انه راهم على الرصيف اضرب خيال
وعني تربي على اليتامه العل رصيف
حنه محتاجين قطرة كبرياء
وجذب كلمن كال نحتاج الرغيف
شماتميل الدنيا بيه شكثر ناس
باقيه الكطره ترى بكصت الشريف
اني صح بيتي صغير وبيه عوز
لكن بالساني الهلا اتعادل مضيف
الشاعر
ابو سيف العويسي
**************************************************
