قصيدة عشك ليل .منقوله

زائر

عشـگتك عشگ ليل بأه وبحسرة
وصرت كلشي بحياتي وبسبب نظرة
كلها تحبك وصعب الي حجى وياك
يارخص المحبـة وغالـي العشرة
يا طيب الطاري تسولفك عشاگ
يا أحلى قصيـدة محلي السهـرة
يا وردة ربيع وتزهي عالاطلال
يا وجه الگمر يوم اكتمل بـدرة
ما عندك عيون عندك سهم جتال
صدگني اليصيبه السهم مايبرة
عندك صوت لولا يمر على الاموات
على صوتك يگوم المات من گبرة
من تلبس الملفع وتجر كحل بالعين
تكتل زلم من زاخو الى البصرة
شنو أنت علمني على اصلك وين
لجلك صرت شاعر هايم بأمرة
أسف بالوصف لوقصريت وياك
لأنك شأن عالي ومحترم قدرة
يمك تيهت ساعاتي والايام
ماميز اليوم الصبح من ظهرة
گلبي وروحي الك واشلعلك العينين
كلهن فدوة بس مرنا ولومرة
روحي تنوح الك وتنتظر ملكاك
ارحمها على البيبان منتظرة
وگلبي يصيح وينك يا أعز انسان
صبر مابقى بيه ونفذ صبرة
أحبك والله أحبك ما استحي من الناس
اتباهة بمحبتك واصيح وبجهرة