قصيدة : وكت الفجر
وكت الفجر جانه الخبر
طاح الگلب مثل الزجاجه ونكسر
لم السما غيوم الحزن
مطرن اعيونه ونفجر
طاحن سوى،صارن شبش
دمعي وگطرات المطر
فوگ الوجن يركض دمع
گام الدمع يحفرنهر
باول وكت،وكت الفجر
رعدت الم مطرت قهر
بلل محطات العـمر
بچه گلب كلمن صخر
طگ المطروجه الصبح
غَسَّل نفانيف الشجر
غَسَّل شوارعنه الذي
حضنن جثث اغلى البشر
غَسَّل درابين الصبه
بلل محطات العـمر
سوده درابين العشگ
سكته مثل وحشة گبر
صوت المطر آه وشجن
معزوفه من لحن الصبر
صوت الأمل والمدرسه
بيه المعاني والعِـبَـر
غبشه الشمس تحجبت
لانجمه ظلت لاگمر
شنقوا شباب اهل القلم
مات العلم طموه بس عيب اندثر
صح مات بيد اهل الدجل
بس موته بيهه كل فخر
بس موته بيهه كل فخر
فاضل الاحوازي.
**************************************************
