موجيتك اعرفك واعـــــرف شبيك
موجيتك اعرفك واعـــــرف شبيك
اثر جف أعله ظهرك ضدي مدفوع
بعـــــد مشروع قتلي قيد الانجاز
واهنيك اغتيالي خوش مشروع
انه السويت ظهــري وياك بستان
والف خنجر لهسه بظهري مزروع
طبع دله انا طبعي وانت فنجــــان
عليْ تركَــص وانا منزلك ادمـــــوع
غبت عني واتاني وصارلي اسنين
ويسألوني واكَلهــم غايب اسبوع
وتعال وشوفني خلافك يمحبوب
صرت موضوع للجانولي موضوع
اذا طيفك يمرني بوحشة الليل
اشم ريحة حرك ما بين الضلوع
خمس اسنين ادور بين الوجوه
مثل ام وكَلبهــه بخمسه مفجوع
صرت يونس ولكن ما شفت حوت
بكل ديرة الاطــب تبلعني الفروع
كَــاطع بالفــــــرح كاظم اسماعيل
وانه كاظم حزن بس كلبي مكَطوع
لكن ما امل والامـــل موجــــــــــود
شما زاد الالم مـــــا اصيح موجوع
صدكَني الشمس لمن يجي الليل
ما تفتح حلكَهه كَبال الشمــــــوع
من اطش بذرة كلامي بسطح الانهار
على الجرفين ينبت صوت مسموع
وانه بطبعي احتقر شخصية الخيط
رغـــــم طوله ضعيف وكاتله الجوع
يمشي براي الابرة مغمض العين
ويبات امذلة ابثوب مـــــــــــدروع
خذاك شلـــون غيري واقتنع بيك
واثر شفتي علخدك لسه مطبوع
كَطعت رجلين حظي وما كَعد يوم
وخسرت اقمار ليلي بليل الاقمار
صح سن العقل ما طلع لكــــــن
بعقلي اسنون طلعت تاكل افكار
منقول
**************************************************
