ابوذيات شوق عراقية
لون والمت غيرك والميتك
اجبرتني انتة اذيتك والميتك
اذا بيهه حياتك ولميتك
رجعتي وياك طلعت من اديه
كسرت القاعده وارفعت كسراك
يهل ماشلت سر بالروح كسراك
انكسر ظهري لحين اجبرت كسراك
شعجب من اوكفت تسحك عليه
كسرت الكلب يالمرفوع ضماك
يالتروي بدموع الناس ضماك
ربك من قديم الزمن ضماك
الي من انكص حزن تنذب عليه
انته الفتح والتنوين وجر
يهل عشكك جمر بالروح وجر
تتعب لا تعت بالكلب وجر
تشلعه ابساع الك بس وزهه اديه
افتحت صدري السهامه من رماني
وشفته وكلت مدري من رماني
ابفيي وكعد ياكل من رماني
ويحسب للشته اشجم غصن بيه
بعد من نار شوكي منجه مالك
يهل غاير جمالك من جمالك
ثكيل الصحره تشكي من جمالك
اذا تصعد جمل تنكسر هيه
احيانا وحي اشعر بيك واحيان
عزرايين اديك اكتلن واحين
عليك انزلو من العشك وحيين
بالف برهان ما آمنت بيه
طغه ابيض اعيوني عالسوادين
واضل شايل الدهري عالسوادين
مسودن رحت ادور عالسوادين
شفتهه مسودنه اتدور عليه
الوكت من راح محبوبي ورادار
ارى مثل الوطن ليه ورادار
مرصد ينكلب كلبي ورادار
واكشفه لو نوه ايسويله جيه
عشكك جنت اضن ميت مساحي
وكبر دارك بنص كلبي مساحي
صفيت الكاع وفراكك مساحي
حل وكت الزرع حيل اكصي بيه
**************************************************
