مــــا اظــن ..... قصيدة وطنية
ما أظن شعبي العراق يعود بيه هذا الزمن
وما اظن نتّحد كلنه وايد وحدة انصير وانعوف الفتن
وما اظن دمع الفرح عالوجنه ينزل من عكِب دمع الحزن
وما اظن بليلي ساعه يصفه بالي ويلفه لعيوني الوسن
وما اظن بخلاف عينك روحي تهده وويغفه لحظات الجفن
وما اظن ماتعمه عيني بسبب دمعاتي التهل فوكالوجن
وما اظن لعيون بغداد الحبيبة يعود كل ذاك الامن
وما اضن نسمع قصيدة وبيها مضمون الفرح كبل الشجن
وما اظن شعبي الفقير الكظه عمره حروب يحلم ينعم بخير الوطن
وما اظن ينتفض وبغيره جار إيكول اساعد جاري وادفعله الثمن
.........
لا جذب كل الكتبته ... نتحد ونصير واحد
والعراق يصير واعد ... ويرجع يسود الامن
انــــي أظـــــن
اني اظن يرجع وطنّه .... يشبه الجنة الزهية
وبيدنه نعمّر بلدنه .... الشيعة والسنة سوية
وراية وحده نعود كلنه ... وما نمارس طائفية
خل نفكر ماكو حيرة .... والوطن ماعدنه غيره
ونبتدي بصفحة جديدة ونترك اوهام الفتن
................
اني اظن كرخ ورصافة ... نرد تجمعنه الاخوة
ويرد يجمعنه علمنه ... ومن عذب دجلة إنتروّه
ونرجع احنه الايد وحدة ... وننسه هذا الصار كوّه
وللفرح نعلكله شمعة ... والطفل نمسحله دمعة
وتـرد بـغــداد العطاء وتنزع اثياب الــحــزن
....................
اني اظن جاري العرفته ... لحظة مايتخله عني
عمرْ كضيناه سوية ... آني منه وهو مني
منين اجتنه الطائفية ... هذا شيعي وذاك سني
نقسم برب الجلالة ... نرجع لذيج الاصالة
لان ما يجمعنه واحـــد غيــر حــب الوطـــن
.............
اني اظن نسمع قصيدة ... تمحي كل ذيج المآسي
ونحجي كل ذاك غزلنه ... وترجع تعود الاماسي
وللوطن حصه بشعرنه ... لان مانحنه جناسي
ننسه كل الصار بينه ... وبنتدي نوحد حجينه
وغزل مضمون القصيدة يصير من عكب الشجن
وغزل مضمون القصيدة يصير من عكب الشجن
م ن
**************************************************
