جمل دارميات عراقيه
لاتكطع اترجاك سمعني كلمه
والله الهوه بلياك مايسوه اشمه
لاتظن يوم انساك يالمني بيه
ماي انته ومباريك بثنين اديه
سهران افكر بيك ماشايغ النوم
وتخيلت مرسوم وجهك بالنجوم
ينراد اخلي اعيون بعيوني ذني
حته اگدر ابچي اعليك من تمشي عني
هدني التعب بفلان والهم أكلني
من غيبتك لليوم محد فگدني
نمت آنه عالتبريد حسبالي اغفه
نارالمحب بحشاي ماترضه تطفه
أصفن واعد انجوم وايدي اعله خدي
هم غربه هم افراك هم ولفي ضدي
غيرة وكرم واخلاص كلهن صفاتك
واتعب شوصفبيك يالطيبه ذاتك
صدكني آنه اوياك روح بوسط روح
گبلك أحس بالآه لو أنته مجروح
تدري شوكت أنساك وبگلبي اتهون
من تسمع آنه اهناك بالنجف مدفون
حسبالك آنه انساك يالتسوه كلشي
تسوه العدل والمات والتوه يمشي
تدري شوكت أنساك يا أغله الاحباب
لمن يجيني الموت واتغطه بتراب
لعيونك الحلوات صدكني اشتاك
ماأصبربلياك واتحمل افراك
تدري آنه كبل العيد عاشورك وياي
حاسمها لو ما عيد ماتضحك اشفاي
يم بيتي بيتك كون واشمرلك العين
تشبعها منك شوف وتردها بعدين
صايم على فرگاك غييرك فلا اريد
أفطر أنه بملگاك وك شوفتك عيد
أتعارك اويه النوم بلكي اغفه وانساك
تاليه اصورة وصوت إبحلمي الگاك
باخرنفس مخنوگـ واتمنهاشوفك
واعذرني بس الموت يجبرني اعوفك
نامت اگلوب الناس بس گلبي گاعد
والضغط منفرگاك كلساعه صاعد
بالكلب ساكن دوم مايمكن انساك
يهجرني حته النوم من تمر ذكراك
الخوة شحت حيل صارت قليلة
لكن وحگ عيناك خوتنه اصيله
ليل وشتى وبردان ماتدري حگك
ماأدفى حته بنارأدفه امن اشبگك
أصفن واحاچي الروح وين احنه چنه
هم ترجع الأيام ويلتم شملنه
ناذر نذر لو جيت وتشوفكالعين
أگعد أجدي اسبوع اباب الحسين
مل مني حته الليل والگمر شاهد
بسبيك افكردوم للفجرگاعد
أخطب بنص الناس والساحة تشهد
وافرض حضرتجوال لوغثك احد
صدگوني مامرتاح يالروحي عدكم
لو أدري هيچ اشتاگـ ماعاشرتكم
مسكنك روح الروح ياشمعة العين
ومن كل خطريحميك مولاي الحسين
للصحبه أهدي الروح وعيوني الاثنين
والعمرفدوة ايروح للصاحب الزين
صابرعلى فرگاك كلبي اليريدك
والصبريالمحبوب مفتاحه بيدك
لاتسأل اعله الحال خليها سكته
تسأل على المكتول والكاتل انته
لو ممشه عشراسنين أمشيه واكثر
ماأتعب وماجوز من حب الاسمر
يالبلگلب مشتول وبروحي مزروع
افراشك النبضات وغطاك الظلوع
**************************************************
