ابوذيات عراقية مميزه
اظل جفون للصاحب واظل عين
واظل بالشده اوكفلك واظل عين
ست اظلوع اكسرلك وظلعين
واسويهن جسر تعبر عليه
راح الحب من گلبي شال منه
و حالي من فرگاك شل منه
تطشر عمري بغيابك شلم منه
العمر خلص ماظن بي بقية
ملاك من السمه نازل شهد بيك
مو دم يجري بعروكك شهد بيك
تكلي شبيك بس هدني شهد بيك
اذا انت العسل لازك بديه
سكر كاس الخمر من ضاك نفسك
اكو غيرك حلو بس ماكو نفسك
اريدك ياحبيبي تبوس نفسك
بس بداخلك تنويها ليه
وحك الناي من يعزف وخنته
لبد ما عاشرت صاحب وخنته
حبيبي وصاحبي وروحي واخ انت
وانت الرمز للخوة الوفيه
وزن حبك جبل حمرين واكبر
واظل اصرخ واصيحبمحبتك الله واكبر
ولو تكبر بعد عشرين واكبر
يظل حبك رمز مكتوب بيه
خلص عمري واحس الشيب بس لاح
عداوه وهد عليه الوكت بسلاح
الموت اسباب ماهو شرط بسلاح
وانه موتي بسبب بعدك عليه
شمال وياك مو شرجي هوانه
هوايتك ياحلو كلبك هوانه
ترى أكثر واحد يحبك هوانه
احبك وانته تتعزز عليه
بعدني وياك بلعشره (ولازال)
وحبك بالقلب ثابت (ولازال)
بعدني صادق بحجي(ولازال)
أضل اهواك لاخر نفس بيه..
دخنت من التتن دنهل وسومر
وكلبي من هواكم زنجر وسومر
احبك من عهد بابل وسومر
ولك حتى حمورابي انكسر كلبه عليه
وحق عيسى ابن مريم وربي
اتعب بس لجل حبك وربي
صار سنين اداريلك وربي
صرت ورده ويشح عطرك عليه
كثر بحسنك وبجمالك وصفنه
وحبك يرادله كعده وجلسه وصفنه
اتمنى من الله تكون مدرستنا وصفنا
واذا تاخذ صفر انطيك ميه
فرق بين اليذوب بساع والصاك
وكلبك هم عليّ فد يوم وصاك
اسميك العلم مرات والصك
واجب للعلم ناخذ تحيه ..
**************************************************
