ابوذيات عراقية جديدة جميلة
ياسباح كلبي من حشاكم
اوعليه من العواذل من حشاكم
اسب ورجع وكولن من حشاكم
اعزاز ومن اسب ترجع عليه
مضنه الطيب من ايامك وشلحال
تعـب وهموم ومعاتب وشلحال
جاي اليوم تسألني وش الحل
ذره من العكل مابقت بيه
تتنخه تريد اجيك اليوم بلحال
ونته اعرف حبيب الروح بلحال
انه شما حلهه وياك ماتقتنع بالحل
ادليك الدرب ترجع عليه
بعدنه وياك تونه مابدينه
او عله ربعك حنانك مابدينه
صابك طمع فرهد مابدينه
لون صابر خذت كلشي هديه
بعد ايامي من دونك متراد
جروحي ابغير لجماتك متراد
كل اللي نظر وجهي متر رد
مايعرفني ويشبه عليه
اعنادك مانفع ياصاح وعياك
كلام الحق يلجمك حجر وعياك
لأنك جاهل ومحدود وعيك
نزعت اصويحبك جن جلد حية
الك طول اوالك شامه اوالك عين
ثلاثة انطبعن ابكلبي ولكعن >ولكعين
دعيت الكلب يلمبعد ولك عين
الكلب ذاك الكلب شيصبرا ليه
اومن ترجيتك دقبل رجمنه
تبنه من الهوا اولجلك رجمنه
علمودك اذا يصبح رجمنه
حجار الارض مثل الواهليه
يارت من صدك دنياي يارت
اوعليه هموم يابوهموم يارت
كضه عمري تمني ريت ياريت
اشمكظن خير جفي اترف خليه
فراكك يا حبيبي مارداني ( مردني )
وأخذني بعيد حبك مارداني ( ماردني )
ولك شتريد أطلب مارداني ( مارد آني )
لون تطلب دليلي أنطي هدية
العشك كروة تعبانة بي كراوي
ويجذبون من اكلهم بي كراوي
وانة بطعم الشفايف بيك كراوي
وانة العطشان وانتة من الماي اليه
طفر مني الكلب ولك جاك
بقيت انه ارفع بشخصك ولك جك
توم كروز اصيرنلك ولك جاك
واريدنك تصير روز بين ايديه
**************************************************
