من اجمل ابو ذيات
انه جفي وتد بالكاع دكيت
ولادكت نذل بالناس دكيت
حسبالك طحت وطبول دكيت
شد وصله بعد وركص عليه.
راضي بطين اعيش وبقصر ماريد
قررت بديار الغرب مارد
وين الكاك يامصباح مارد
اخاف الكاك وهم تكلب عليه.
شماتطلب طلب ارضاه وقبله
صرت عندي مثل جنه وقبله
اريد اشتم عطر خدك وقبله
واضمك ياحلو بثنين اديه.
اموت بطاري حبك واصطلب بيك
وانه الكظيت عمري وسط لبك
الف لبيك اصيحن وسط لبيك
ولا لبيك انته ترد عليه.
ببعادك صفيت اشبه خرابه
واحس بيتي علي وحشه وخرابه
يوم اليكضي من دونك خره بيه
الموت اهون ولا بعدك عليه
**************************************************
