أحدث الأبوذيات العراقية
ارهــن بيه روحــي مــن يراهــن
جثير جـروح عندي مــن يراهــن
سلاسل عمري بيده ومن يراهن
حتى اخر نفس مالحك بيه
اعله طول جفاك اهد حسرات ونگاص
بونيني املبلبه الشهگات ونگاص
بغيابك صرت گصة عار ونگاص
بسلف نسوان تطي دروس بيه
وحگ رب الدّره بالشوگ عفّه
ابد ما جوز لو يگلون عفّه
يگلبي شما يجي من هواك عفّه
وحطله اعذار چي ميخون بيّه
يوم بيوم اربي تجون مشّاي
ويدمعي من جفون العين مشّاي
نذرت اتحفّه احج النّوب مشاي
هلي من تگول بيديهه القضيه
احبك موت ما اگدر املّك
وتخلص مني ما يوگع امل لك
بيّه الدّنيه لو مالت امل لك
لآن غيراك ما اعرف إليه
تعال وشوف يلمحبوب حالي
بس ثوب الغرب بجفالك حالي
ماي البحر من يصير حالي
وكتهه گول ما تطرو عليه
حلم نگعد وحدنه بيوم چنّه
وربيعي لولح من شباط چنّه
بنيّه الما تصير بيوم چنّه
چف اتراب اذبلهه منديّه
سمي إشما ردت من إسم سملاي
وسوم إشما تريد بسوم سملاي
صحيح آنه فـقـير بطـرك سملاي
لجــن عندي نـفس كـلـش أبــيه
إشما سموك ذاك إسمك وسملاك
بخيت وشانك الطيبة وسملاك
لون تبكه بطــرك ثوبك وسملاك
هـذا أنـت ونخـوتـك ذيــج هيه
الزمن فرعون صدك موسى راهم
وعلى اللحية الخبيثة موسى راهم
ترى الصعدو بالاول موسراهم
سراي انه وخذو غصبن علية
وضعك من صرت لليوم رباك
وزمانك ع المآسي دوم رباك
قيامة عراق مالك غير رباك
شوكت لحساب ؛ طالت هلبليه
يروحي بماي ضيم الوكت بلوج..
بريئه والله شاهد ليش بلوج..
صرت سمجه واخوي اشترك بلوج..
بفص عيني اله ضرسين بيه...
الشامت ما بده بطعني بده خلاي
هوه غيري شنو دخله بدخلاي
مو بس الهوه تسمعه بدخلاي
طك سن النمل ينسمع بيه
ماضن بيك كلبي شبيك بيضان
ملح وكلوبنه من حدر بيضـان
تعالن ياطيور الحزن بيضــان
مصايب لملمت عودان بيـــه
الجفن غافي وطيوف اهواك صحتاااه
بجه حالي بوداعك فكد صحتاااه
هلي صدفه اذكروا طاريك صحت آآآه
بجو حسبالهم شي صار بيه
ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه
نحل جسمي وعله العكاز.......مرتك
شبدر مني ومشيت بشور.....مرتك
تنيت الحلوه منك شفت.........مرتك
تجازي ارباي بالهجران اليه
اعلا حيلي الراح سالت مني عبره
الدرب چنت اعلا طولي من اعـبره
يهل تنظر الحالي مني عبره
اخذ لا تنغر اجدامك جويه
شي من الهموم احرست شي بات
بدليلي وراسي من الضيم شي بات
شي عله رصيف اينام شي بات
وشي شيد قصورعله الوطيه
دفن بيه المصايب مادفني..
ليالي الصيف كلهن مادفني..
صديقي المتت بيده مادفني..
.. ركض للدود دلاهن علية....!!
شجيه بروحي ما تسمع شجاها
تهيم بلييل ما اعرف شجاها
تدري العاذل اخلافك شجاها
الفريضة وصار يتمزهد عليه
أبيك أنه وابد ماگـول .مــابيك..
يـل كلك محنه وشين .مـــابيك..
غبت عني وأگول شبيك. مــابيك..
من أغيبن هم يضل بالك عليه..
أنه وعكازتي وحسره يمرباي
وحيد ولا الي صاحب يمرباي
اذا مامش رحم بيكم يمرباي
أخوي شعطله مامر عليه
**************************************************
