قصيدة انه مشتاكلك
انه مشتااااگلك
گد ما ألي جروح اطيبهن وأحس يفزن عناد
تدري شلون حالي لمن تروح؟؟
مثل حال العراق بﻼيه بغداد
يمي انت الوكت مالك غرض بيه
خليه على الله هيه تصفه
انه من ألگاك اجيب وياي فانوس
اعرف من الزمك كلشي يطفه
احبك بس اشوفك كلش بعيد
ﻻن مايوصلك جف امنياتي
حلو كللش
وحتى من ألفض اسمك سنة يضل طعم الحروف بلهاتي
سولفلي بعد محتاجك هواي
محتاجك بگد مافاركتني
رحت چم يوم عني وتعرف شصار؟؟
عشر سنين يمكن كبرتني
فرق عيونك عن الوادم هواااااي
لذلك لمن آتمر صعبة يمشون
بحيث اتبين انت عيونك اكبار
واليمك شلع ماعدهم عيون
احبك مو حچايه بشعري تنگال
احبك صوت حسررره بين اﻻنفاس
ﻻن حبك احساس بروحي موجود
وبعد ماﻻگي كلمة توصف اﻻحساس
من اتمرنة خصرك ﻻ تجيبه
عن عيوني ذني كون تخفيه
آنه كل العليه رت انصحك
ﻻن من اخذه مااقبل انطيه
بقلم ألشاعر ألرائع أيهاب ألمالكي
**************************************************