ابيات ابوذية منوعة
حبي وبس الك صدك ولك ساد (ولك ساد=سيادة)
واذا ناوي انت تطلع ولك sad (ولك sad = ههه يعني حزين)
اصيرن هيجي صدكني ولك سد (ولك سد=سد اغلق))
الكلب وابقة وياي اليه
وجهك رقة وي طيبة وبشار (وبشار=يبشر)
وانه الكلما انشدك كتلي بشار (بشار=ابشر)
اظن طبعك عراقي عيوني بشار (بشار=اسمي)
نعم اني العراقي اضرب تحية
كمت ماشوف من بعد ونعماي (ونعماي=انه اعمي)
قسيت وحبي الك رايق ونعماي (ونعماي=ناعم)
انة الاسمي اليسمعة يصيح نعماي (نعماي=ونعم)
سمعت اسمي وكلت ميفيد اليه
عطـش گلّبـي بمحبتـك - ماي يتاني
وبعـد ما اظن ينطـرك - ما يتاني
تعــال وشوف حالـــي مآيتاني
بس الروح گــوّه مچلبـــه بيه
صفيت اصفك يمنه فوك يسرة ...
ودمع العين على الوجنات يسرة ...
وربي يكول بعد العسر يسرة ...
العسر شفته واليسر مامر عليه
بوسـط دلالي نامــي - وانتي ظلي
واذا حُبـــي ظلالــه - انتي ظلي
اشوفچ ؟ وين اشوفچ - وانتي ظلي
اذا جوه الضـــوّه تصيريــن بيه
احبك من صغر عودي وسني
ومن حبك سقط شعري وسني
على حالي بچه شيعي وسني
وثالثهم مسيحي يون عليه
تركت الموصل بعد ولاعود
ولادمبك بعد يسليني ولاعود
مابقى بيا غصن اخضر ولاعود
لان الأرهاب اخذ كلشي من يديه
حرت اش اشتري كية لو بيكم
ومدري الصوج بية لو بيكم
والله لو تلعب لعب زيدان وبيكهم
ما اخليك تراوغني وتشمت الناس بية
عليك الروح تجذبني واردهه
لان كلبي نبع صافي وردهه
شلون تغيب وانت اسمك وردهه
واردلك بالشعر غصبا عليه
الگلب من ساعة الحبك هلك ليش
احچي اوياك ما تحچي ها لك ليش
اقتنعو كل هلي ابحبك هلك ليش
ما قنعو ابحبك ليش اليه
عيني العمت لو جيتوا تراكم
وعليهه الحزن ودموعي تراكم
حزنكم رايد اسالكم ترىكم
يعادل حزني والي صار بيه
وحق من نزل الايه ولكتاب
جاز الكلب من عدك ولكتاب
رسايل بعد مادزلك ولكتاب
لان كلهن ترجعهن عليه
سهم الدهر بين احشاي ينشل
جرحني والجرح هيهات ينشل
اريد النعش بيكم كون ينشال
وتهيلون التراب انتم عليه
احبك يلشعرك مفلفل فلافل
ول انضرب عنك الف بوري فلاافل
ريتني اصيرن بحلكة لفة فلافل
واحس بطبكة سنونك عليه
وحگ ام الكرم والطيب حديثه
اريد اكابل المحبوب واسمع حديثه
اريد اعرف قديم اخباره وحديثه
وبلياه الزمن ناعور ودار بيه
.........................
حبيب الروح يا ناسي حديثه ( الكلام)
اصيل وما حوت مثلك حديثه ( مدينتي الحبيبه )
اذا جروح الگلب عدكم حديثه ( جديده)
اموت ويصعب فراگك عليه
حلاوة وطيب للياكل من تمرنه
نحب نسمع كلامك من تمرنه ( تأمرنه تتأمر علينه )
تميل البصره كلها من تمرنه
والك شط العرب ياخذ تحيه
**************************************************