شعر فراق ووداع
سمعني كلمه عشك خل روحي بيه تذوب
بالجذب لو بالصدك شلتك اسم محبوب
ما أتوب من لوعتك صدكني ولك ما اتوب
انت شمس دنيتي ما اريد اشوف غروب
منثور شعرك سرح فوك المتن مذبوب
يالرمش عينك سهم بي كل قلب مصيوب
ضحكتك كلمه ونضم واجمل شعر مكتوب
لابس ترا هو الورد من لون شوفتك ثوب
سبحانه من صورك بيك الحسن مصيوب
كالولي رايد تصد وتبتعد عني دروب
ارجعلي فدوه الك بس لاتصد فد نوب
اسباب قتلي الهجر شللك تشيل ذنوب
يالبيك يزهي العمر وتدري العمر محسوب
صبرني من تبتعد تدريني مو ايوب
**************************************************
