اريد امتحنك حبيبي

عمي وينه جرحك الماذيك..؟
خليني اضمده
واخلص من هذا الوهس
مو تدري بيه اخاف اعليك
وانت اغلى من روحي
حتى اغلى من النفس
اهااااا
هو هذا جرحك الخابصني بيييييييه
هذا بكبر مكان الشعره من تنهلس
جم مره علمتك وكتلك
ضم جرحك الماذيك
ليش ماتفهم هالدرس
حسك لذاك الصوب يوصل
لو بس واحد
يندسك ندس
تخبص الدنيا كلها
والمايدري يدري
لان يشوفك تكمز اعله الكاع
وتردس ردس
جا هو هيجي الحب يعمي؟؟؟؟!!!!
الحب....بهييييده...واعله كيفك ...وبسكوت..
وخنس
وانت
انت بس واحد يغثك..تنكلب ذيب
مكشر انيابه... ومطلع الضرس
انصحك ... لروح لمدارس حب اهلنه
منهم اتعلم ... اوياهم اجلس
وهناك شوف انواع المعانات
البيها احد ما درى
صوت عالي ماكو اهناك
اهناك الحجي كله همس
ومن تحفظ عمي درسك زين
تعال اهنانه امتحنك
بجروح كلبي
البيها للساع سجينك منغرس
وقارن اجروحي ويه جرحك
تلكاني ناجح ومعفي من زمان
وانت بالش بيه رفس؟؟
حالي بيك
حال الضيم حالي
وانت مكييف وفرحان دومك
وجنك بحفلة عرس
خدك حديقة ورد احمر
وانه يابس وجهي وذبلان
جني ماضايك زاد
من ليلة اول امس
من ليلة اول امس

اخي الكريم

قصديتك بالعامية فهمت منها القليل

واعرف انها تتكلم عن الحب

ولكن ماذا وقع ليلة امس لاادري

تحياتي

شكرا اخي المارد
شكرا اختي ابرارلمروكم الكريم
معلاش ابرار معناه انه الصهد بزاف
الذي وقع ليلة امس ؟؟؟؟ لم يقع شئ ههههههههههه
لكنه تشبيه معناه كاءن وجهي مصفر كوجه انسان
لم ياكل طعام او يشرب ماء من قبل يومين مضت
فهمتي؟؟ اه مزيان

فهمت الان

الله يعطيك الصحة ويطول عمرك

تحياتي