دارميات عراقية قوية 2015
ربك كريم وسخي كل العَجَب مَنْهَلَك
ياصاح حُكْم الشَّرع خيرُ وسَعَد مَنْهَلك
جنات ما تنوصف نفسك بعد راويها
بكتاب رب الخلق إهو الذي راويها
وابشر بآل النبي كاس النبي راويها
هيهات تعرف ظما حوض النبي مَنْهَلَك
-----------------------------------------------
يساكن ارويحتي هاك استمع ما يلي
وحدك عشت بالكلب وغيرك ابد ما يلي
عطشان انا الشوفتك يلشوفتك مي الي
والشبع من شوفتك كل عمرة يبقة عدل
وياك ما خالفت صدكني ماشي عدل
لا يرضاها قاضي شرع ولا يرضاها قاضي عدل
للناس تحكم عدل وحكمك علي مايل
-----------------------------------------------
قانون ع كيفك وانته سني
وانا سيف بيمينك وانته سني
الفرق مو اني شيعي وانته سني
الفرق محتل عليك وهم عليه
-----------------------------------------------
الشعر يحلالك ويحله معــاناي
يوجهك هاكثر شايل معــــاني
اني وفدوه اروحلك معــــاني
اذا طيفك يمر لحظات بيه
-----------------------------------------------
احنه وادم نستحي مـــن الله ونخاف
الحلوة لــــــــــــو مرت نغمض عيونه
(شلونكم) نحجيها سكته ومستحين
واليجي مـــــــــــــن بعيد يعرف لونه
احنه غيرتنه ملــــــــح والكصه كاع
ناصــــــــــــرية وعالملـــح خيعونه
------------------------------------------------
حضرتك بارد أنت و كلشي ماحاس
ولا چنك تحبني ولا اكو عِشرة
تًطب تطلع أني أنداس
حسبالك زيارة مدري سفرة
جنابك معتقد تنزلك الراس ..؟
أنه المايهوه گلبي ،، بگلبه ادفرة
----------------------------------------------------
هجم دهري علي بجفاك كشين
حرب وحساب صار الزين كشين
وعلي يوم الضعنهم شال كشين
ضلوعي وگمت احس مرياف بيه ،،!
-------------------------------------------------------
وحق رصعة خدودك وحق شفتك
انسبيت بيوم وسط الخلك شفتك
ولك طركاعه خدك ، بلوة شفتك
شيخلصني بعد شارتاح ؟ شفتك ؟
تبعد تقترب نفس الاذيه
------------------------------------------------------
عاهدت الحزن ماعوفه فديوم
ولا افرح بعد لا والله هيهات
شيفيد الفرح للگلبه مجروح
وشتفيد ابتسامه وبيهه اهات
اذا گلبك جمر شتضرك النار
واذا حضك عثر لا تندب الفات
اذامات الكلب خل يحمل هموم
هم شفت بحياتك ميت ومات
اذاجرحك كبر لاتحجي للناس
لان بعض البشر عادتها شمات
يفرح من يشوفك تمشي مكسور
وشكد ينقهر من تضحكله مرات
ميزهم احبابك واقره العيون
اذا تعثر منو يكلك سلامات