ايهاب المالكي وكل عقلك فرح تلگه
كل عقلك فرح تلگه بحلگ بي ناي*
من تلمح عيوني راح تلگه الرد
اشترجه من المگابر غير طاري الموت
ومابيها المشانق غير حل وشد
صدگت ألحچي وأملت بيك أحﻼم*
لكن ما لگيتك لمن صارت الجد
آنه ردتك تجيني بوكت بي شمات*
چنت اسمع حچيهم من امر يشتد*
إلى إن أيسو منك ذروني ارتاح
* لگو غيرك وغيري والحديث انسد
تجي هسه شبعد قصرت لو ما جاي
وين ألگه الشماتة حته أگلهم رد
إلك يد بحياتي اعترف ما ناسيك
بس انته مماتي هم إلك بي يد
انه ردتك تجي ألساف الوگع تبنيه*
هسه ألساف خله بس أساسه أنهد
حجر عثرة الجرح حطيته گبل الروح*
ومأمن بجيتك راح بي تصطد
ولو حد بالبداية إلك ماخليت
بس حاولت تالي ردت احطلك حد
أتريد أشفاف تفرح آنه شرد انطيك
أريد افرح ولكن مستحي من الخد
غرگ خدي دمع وشلت بيه مافاد
أتصور فوك جفني ردت أحطن سد
چنت اسكت گبل لو هددتني أتروح*
أخاف أتروح مني عن زعلتي ارتد
هسه أنت رحت وانه من أخاف منين*
آنه أتناسيت كلشي واعتبرتك ند
شغير بيك گلبك مستحيل أتصير
هو اللون اﻷسود يبقى لون اسود
كل ما جايني جاي اقتنع وأنساك*
وبكل أمنياتي جاي احس ازهد
اله أسباب الزعل مو عن فراغ يصير*
ماصار الجزر لو ما يصير المد
نفسهن ما جبت فدشي جديد وياك
يا جرح اﻻشوفه عندي منه شگــد
وعى بيك الورد شافك شتلت إسهام*
نايم سوه روحه حتى ما يشهد
واسأل جفن عيني حته أدينك بي*
على ﻻ يحچي اندسة بيها جنت أرمد
أشيل اضماد جرحي تريد ﻻ مو هيج*
أنت أسألني اﻷول آنه جرحي انشد
يستشري الحزن واستأصله كل يوم
إلى إن اخبروني إن حزنك قد ..!!
وصل حاله بعد منك صعب بنشال
جروحك بيه امچلبه جذره بيها امتد
گظه وكتك مثل ما خلص وكتي بيوم
وين أتريد أحطك باب گلبي انسد*
**************************************************
