ابوذيات عراقية
هذا البيه كنتـــم لايميني
وعذر مافاد بيــكم لايميني
لو تكتف يسـاري وي يميني
هذاك انه الهوى غالب عليه
بــودادك آخ للـــــــــــدلال فخار
چذب كلمن عليه الجـــــــد فخار
اختلاگ الناس من صلصال فخار
وحبيبي اختلگ بالقـــــدره العليه
اف من زماني اه منه
على اللي عشرتي وياه منه
اگله الدرب هذا يكول منه
اگله فوت بيه يرد عليه
صعدت اجبال فوق اجبال عالي
أوصرخت صوتين يم گذله تعالي
بـنـيـت قـــصـر بـالجـــنه تعالي
نــرد نـســـكن أنـــا ونــته سويه
كحل بالعـــين أحـــــــــبابي يحطون
أوياحربه أمسومره أبگلبى يحطون
يريت أهلك أبجــــنب أهلي يحطون
نـــنام أثـنـيـــنا أونلتــــــــــف سويه
روى الزيتون من دمعي ولاراك
لغيرك مانحل جسمي ولاراك
أخاف أطول غيبتكم ولاراك
وعند وصلك تدانيني المنيه
**************************************************
