قصة تراثية مطيرة
اسم لـ أمرأة عراقيه .. مخصصه كل وقتها لـ زوجها .. اهتمام واحترام وحُب ..
وگايمه بخدمته 24 ساعه على حساب اهتمامها باولادها. .
ومن يجي شهر (رمضان ) تأكَّل زوجها وتشربه بأيدها ..
وبما انه يحب الرگي (البطيخ) .. تگطعه قطع صغيره ..
وحتى تنزع الحَبْ (البذر) منَّه ..
هاي السنه ..اجا رمضان وهو متزوج عليها وحدة (فرفوره) ....
ومگعدها بصفّه .... وامطيره بآخر السفره ..تباوعله بحقد !!
بأول فطور ..طلب من "الفرفوره" .. تعطيه ماعون الرگي ..
أعطته السچين ،،،، والرگيه كامله بعمرتها !!
وگام صاحبنه يگص و يشيّف بأيده .. وياكل .. ويشمر الحَبْ (البذر) ..عالسفره !!
رفع راسه ..شاف أمطيره .. تباوعله بشماته ..
حس انها تشفّتْ منه !! .
گلّلها : الله كبر عليچ .. يا ظالمة ..
ولچ حتى البذر ...چنتي حارمتني منه !!!! ..
- صدگ لو گالوا : عيش أبّخّت .. موت أبّختْ ..أو بوگ أبّختْ ..
مگرووود يلمالك بخت
**************************************************
