تعال وجيب حضنك
تعال وجيب حضنك والله مشتاگ ..
حضني ابيت حضنك يغفه ويبات ..
تعال الفرگه ما تهدي ابتسامات ..
تحبل بالحزن واتولد اهات ..
تعال وكون گبل الموت ملـــگاك ..
ماريدك تجي وتلگانه امـــــــوات ..
تعال اكسب اجر وامحيلك اذنوب ..
بخدود اليتامه ازرعلي بوسات ..
تعال وشوف گد ما گمت اناديك ..
ابشعر صوتي اظهرن محبوبي شيبات ..
تعال اعيوني ذبلن والسهر حوت ..
يظل ياكل نظرهن مو حرامـــات ..
تعال وخل ابشرك شوف بلـواي ..
بيه اتشمتن حته الحمامـــات ..
تعال ابعيني اشوف الدنيا تابوت ..
واحس صوت البلابل صوت غارات ..
**************************************************
