متغير وأحبك ماگدرت أنساك
متغير وأحبك ماگدرت أنساك
بخت يراد وأنسى ومثلك أتغير
حرب خليت بيه ومدري تالي شلون
افضها بيا بخت ياحظي المعثر
گلبي برأي يمشي وعقلي يمشي برأي
وخلاف البينهن يوميه يطور
معاند ويه عقلي الگلب ما ينساك
وعقلي معاند وما يرضه يتذكر
صرت كلش أكرهك من تمر ع البال
وأحبك بالاحساس شگد متصور
أشوفك بالعقل صاير عديم أحساس
وبـ أحساسي أشوفك تشبه أحساسي
بنيت براسي دنيا چبيره حتى أنساك
وصرخة گلبي صعدت فلشت راسي
وخاطر ماتذكرني بهواك الناس
خذت روحي وعشت وي ناس مو ناسي
خاطر يحن گلبي وأرجع أنه بساع
نخيت أنفاس روحك تمر بـ أنفاسي
و ع لساني صفن البگلبي والبراس
وجزه بيه التناقض حده وأحتاريت..
فوگ لساني تلگه أنواع الحچايات
هلا بجيتك حبيبي وعسى لارديت
حاير مدري أعوفك مدري أظل وياك
مدري أنسى المضى مدري أصبر أعله الجاي
مثل شجره العقل ويشوف جيتك نار
ومثل ورده الگلب ويشوف جيتك ماي
وناسيك أنه والله والله ماناسيك
ماچذب عليك ولاتحير وياي
گلبي يگول كلمه وعقلي كلمه يگول
تطلع هاي ساعه وساعه تطلع هاي
_عامر العيثاوي
**************************************************
