مكتوب بلوح السماء
انه المكتوب في لوح السماوات
عراقي الجناس وطبعي انسان
انه الموضوع في كل الروايات
انه النار التوج ابغير دخان
انه القران كله وانه ايات
... وانه المادنسيت بيوم قران
انه المعروف وبكل البدايات
يقراني الفرح والناس للان
انه الما عاشرتني الذلة هيهات
ولاقدمت نفسي لكان ماكان
انه الجف النظيفة الكتب ابيات
وانه الشايل بديه خيوط ميزان
انه الكضيت عمري بالصلاوات
وانه الما غفل صوتي بوم الاذان
انه القادم الاتي وماضي الفات
وانه جروحي قميص وستر نسوان
انه الكصه العركها ايبجي الذات
وزناكيل العرب تاكل طعامي
انه البيت النظيف الكله جنات
وعباد الله تترجه مقامي
انه الغيرة التحط ابحضني وتبات
وعلى اليبجون يتعلى كلامي
انه الغافر بطيبه هواي زلات
وعاتق ناس امس رادوا اعدامي
انه الجف اليراهن بالملمات
وانه المعروف وهيين حطامي
انه الماجنت الوذ بكتر هيهات
ولا ارضى بشخص يصبح امامي
انه النخله العركها الهسة ما مات
وابد مايوم زنجر قط حسامي
منقول
**************************************************
