سالفته ماكلهه العجل
يسولفي واحد من شيابنا (الله يرحمه)يگول،،
اكو بت تسرح بهوايش اهلها يوميه،،
ذاك اليوم صيف والدنية حاره ،،وهيه يم النهر ومحد يمها،، نزعت هدومها وگامت تسبح بالنهر،،
عدها عجل كبير ياكل الاخضر واليابس ،،صار يم هدومها وطاح بيهن واكلهن،،وهيه ماتدري،،.....
من طلعت من النهر دورت على هدومها مالگتهن،،
بهاي الاثناء مر من يمها ولد شاب من شباب سلفهم،،
گالت ماأخذ اهدومي الا فلان،،
گول سترت نفسها وردت لاهلها،،گالتلهم اليوم هذا الصار وياي وفلان هوه الباگ هدومي وأنه اسبح،،
ابوها وده گوامة لاهل الولد،،
من سمعوا اهل الولد بالسالفه جمعوا ناس خيره وساده وسيروا على ابو البنيه،،گبل غروب الشمس،،
ابو البنت من شاف هاي الناس جايه عليه گوم واذبح العجل عشه الهم،،
من شگ بطن العجل لگه هدوم بنته ابطن العجل ،،
گعدت الناس بمضيفه وبده واحد من الساده (باعتباره هوه من يفتح جلسة الكلام لان جده رسول الله ص)،، بالكلام،، صاح عليه ابو البنت ،،
سيدنا انت والجماعه الوياك اليوم جيتكم على راسي من فوگ،، والسالفه الجايين بيها منتهيه،، وتاكلون عشاكم وتروحون وكلشي ماكو،،
گاله السيد شنهي القضية ابو فلان؟؟؟
گاله سيدنا سالفتنه ماكلهه العجل ...
**************************************************
