فيصل الكناني عضومتقدم
علم الدولة : رقم العضوية : 21 الجنس : تاريخ التسجيل : 20/09/2008 عدد المساهمات : 12754 نقاط : 24490 تاريخ الميلاد : 07/04/1960 العمر : 64 الموقع : العراق العمل/الترفيه : سأل الممكن المستحيل : أين تقيم ؟ فأجابه في أحلام العاجز الجنسية : عراقية المزاج : من يحب الشجرة يحب أغصانها الاوسمة :
| موضوع: عبود +++جمعه الحلفي الثلاثاء 11 مايو - 21:42 | |
| عبود
طويله أيامنا.. كلّش طويله وحزينه أيامنا.. كلّش حزينه غبره أيامنا المرّت يعبود وغبره أيامنا اللتمر يعبود ومدري شضاملك دهرك يعبود؟ من ربك خلق آدم.. خلق بغداد عالصوبين نخيل يطاول نجوم السما ونجمات من تنزل تكحل العين ونهر مغرور.. چانت دجله مثل العيد تجري بوسط لبساتين ومن فوگ الجسر... چانت تشوف الناس كل بغداد: ضويات ومناير، والهوه عذيبي وعرس، عرس مجنون. وأحنه... أحنه هـ... ن..ا..ك خلف السده مطمورين كومه من الصرايف والبشر والطين مهمومين چنه من العطش والجوع بشر... لچن بشر من غير نوع ما شفنه الطفولة بعينه، مرت.. مثل كسرة ثلج وتموع! چنه زغار... چنه زغار ياعبود چنه زغار.. نفرح من يجي العيد لچن يا عيد مر وما نزفنه دموع؟ مسموح الفرح.. مسموح يا عبود مسموح الفرح بالغنى لچن بالفقر ممنوع چنه زغار... چنه زغار يا عبود چنه زغار حفاي بدرابين الصرايف دايرين حفاي بدرابين الزمن... حفاي منسيين نسأل عاليجي والراح نتحسر على الخبزه ونسمع سمع بالتفاح! وك چنه زغار ياعبود... چنه زغار وهـ...ن...ا...ك بكواليس الحكومة تبيع بينه وتشتري التجار بدو ويهود وإقطاع وضواري من دول كبرى تنهب واحنه منهوبين وك تجار چانت تحكم الأوطان وكلشي مسعّر ومختوم: الضماير والعقول، الدين والتاريخ، البشر والشعر والأحزان. كلشي مسعّر ومختوم وچان ارخص سعّر بالقايمه... الإنسان! وك كلشي مسعّر ومختوم يا عبود توكف بالمزاد وتشتري شتريد: نقابات وبرامج وانتخابات، عمال وفلح وأحزاب ثورية.. من آخر طراز وكل الألوان كلشي مسعّر ومختوم وكلشي تشتري لوردت... مثل ما تشتري الدخان! وغفله... غفله من الحچي وغفله من البچي وغفله من القهر والجوع والحرمان كبرنا وكبرت الأيام ورجع بينه الزمان أردود يا عبود رجع بينه الزمان لأول الميعاد ومثل ما زاد فقرك... حزنك ازداد صحيح أتغيرت بغداد.. لچن متغير الحكام ومثل ما راح نوري جالها صدام ولك عـ..بـ..و..د.. يا عبود بسّك لوم.. محد يشتري منك عذابات وك أنا شبيدي على سنين الگظت خطوة بمسافات وك بسّك لوم يا عبود أنا شبيدي على الباعو شعبهم بالمزادات وك عليناه وعليناه وصعدناه على آخر سماوات على چتوف البشر.. عَ النجم.. عَ الهامات چان يغافل التاريخ ينزل ع الكراسي والوزارات وك أنا شبيدي على ثوار يتسمون لچنهم خدم عد الحكومات! كبرنا وكبرت الأيام يا عبود ورد بينه الزمان أردود وك كبرنا وكبرت الأيام وكبر بينه العراق الضاع بين أحلام وأوهام وهذاك انته: وحدك تحسب الأيام تعد سنينك وترجع تعد وتغلط وترجع... تعد الليل والساعات... تعد شگد حجيت شگد بچيت شگد ضاعت عليك أحلام وحدك تحسب الأيام.. تمر جدام عينك تركض الأيام تعبرك... تركض ... الأيام تبعد .. وانته.. ذ..ا..ك انته حزين ومنزوي ومحتام.. وحدك تحسب الأيام.. وحدك ترسم سنينك على الريح ويذريها الغبار أوهام بأوهام وحدك تحسب الأيام و..حـ..د..ك تحسب الأيام يا عبود ويرد بيك الزمان أردود ولك عـ..بـ..و..د يا عبود أنا سايم الله عليك.. اشيّم بيك كل شيمة هلك اشيّم بيك تاريخ القهر والظيم والحرمان اشيّم بيك أعز ما يملك الإنسان اذكرك بالطفوله وبالصبا التعبان اذكرك بمك الماتت هـ...نـ..ا..ك وانته هـ..نـ..ا..ك مدفون بصدى النسيان وك هم تذكر نواعيها؟ هم تذكر بچيها عليك يا عبود.. هم تذكر دللول؟.. أذكرك لو چنت نسيان: دللول يالولد يبني دللول عدوك عليل وساكن الچول يمه.. يمه يمه.. راسي وجعني گومي شديه ترى شد الغريبه ما يمض بيه يبني.. يبني.. يبني ديار الغريبه ما تلفّيك وبرد السفر يازين ياذيك وك ميّل.. ميّل عله أهلك يبني عبود ترى هيهات غير أمك تباريك اشيّم بيك تاريخ القهر والظيم والحرمان اشيّم بيك... لا تنسى.. لا تنسى هلك ما تنسي الأوطان وك وين تروح؟ يا دنيا التلم حزنك وياحلم اليريح راسك التعبان؟ ولك عبود تهت وتيهتنه وياك تهنا بيك وبلياك وك ثگل دين العراق عليك وثگل لجلك عليه الدين تانيناك..... تانيناك املنّا الصبر بيك وصبّرنا الدمع بالعين تانيناك.. مثل نجم الثريا نعاين لملگاك وك وين انته؟ انته بيا سما بيا گاع انته بيا مجره نريد نتعنّاكنريد نتعنّاك!
************************************************** | |
|
عبير عضومتقدم
علم الدولة : رقم العضوية : 2 الجنس : تاريخ التسجيل : 03/03/2010 عدد المساهمات : 2720 نقاط : 4156 العمل/الترفيه : ادارية المزاج : عادي الاوسمة :
| موضوع: رد: عبود +++جمعه الحلفي الأربعاء 12 مايو - 2:47 | |
| دائما متميز باختيارك اخي المارد.. شدتني الكلمات ووقفت عندها ساعات وددت ان اكتب شي حتى لو ماوصلت مثل الشاعر وعبود لكن تقبل مروري بتلك الكلمات وذلك اضعف الايمان يامارد واكول : ياعبـــــــــــــــــــــــــــــــــــــــود , , , جروح تنزف والعمر كله نياشين آهات وآلم وآحزان ودموح تجرح العين قلوب منحوت عليها بالجمر لوين منتظرين نخل محني الهامات للطين ونهرين ينزفن دم للبساتين ودموع طفلة جريحة تسكي الملايين آه ياعبود جروحنا مثل السجاجين تاكلنة بسنونها واحنة مرتاحين | |
|
فيصل الكناني عضومتقدم
علم الدولة : رقم العضوية : 21 الجنس : تاريخ التسجيل : 20/09/2008 عدد المساهمات : 12754 نقاط : 24490 تاريخ الميلاد : 07/04/1960 العمر : 64 الموقع : العراق العمل/الترفيه : سأل الممكن المستحيل : أين تقيم ؟ فأجابه في أحلام العاجز الجنسية : عراقية المزاج : من يحب الشجرة يحب أغصانها الاوسمة :
| موضوع: رد: عبود +++جمعه الحلفي الثلاثاء 18 مايو - 14:54 | |
| الاخت المندعة دائما عبير تواجدك بمواضيعي يضيف اليها المعاني المعبرة
شحجي وتريد الناس من عندي احجي دمعتي بطرف العين بس احجي ابجي
تحياتي
************************************************** | |
|
نورا عضومتقدم
رقم العضوية : 7 الجنس : تاريخ التسجيل : 17/06/2009 عدد المساهمات : 5150 نقاط : 7613 تاريخ الميلاد : 09/09/1975 العمر : 48 الاوسمة :
| موضوع: رد: عبود +++جمعه الحلفي السبت 22 مايو - 12:54 | |
| اخونا قصيدة رائعة ونقل مميز
************************************************** | |
|
???? زائر
| |
فيصل الكناني عضومتقدم
علم الدولة : رقم العضوية : 21 الجنس : تاريخ التسجيل : 20/09/2008 عدد المساهمات : 12754 نقاط : 24490 تاريخ الميلاد : 07/04/1960 العمر : 64 الموقع : العراق العمل/الترفيه : سأل الممكن المستحيل : أين تقيم ؟ فأجابه في أحلام العاجز الجنسية : عراقية المزاج : من يحب الشجرة يحب أغصانها الاوسمة :
| موضوع: رد: عبود +++جمعه الحلفي الجمعة 28 مايو - 17:25 | |
| نورا محفوظ ************************************************** | |
|
زكي عضومتقدم
علم الدولة : الجنس : تاريخ التسجيل : 06/07/2010 عدد المساهمات : 5670 نقاط : 9147 الموقع : العراق الجنسية : عراقية
| موضوع: رد: عبود +++جمعه الحلفي الأربعاء 19 نوفمبر - 18:52 | |
| بارك الله فيك على الموضوع القيم والمميز
************************************************** | |
|
فيصل الكناني عضومتقدم
علم الدولة : رقم العضوية : 21 الجنس : تاريخ التسجيل : 20/09/2008 عدد المساهمات : 12754 نقاط : 24490 تاريخ الميلاد : 07/04/1960 العمر : 64 الموقع : العراق العمل/الترفيه : سأل الممكن المستحيل : أين تقيم ؟ فأجابه في أحلام العاجز الجنسية : عراقية المزاج : من يحب الشجرة يحب أغصانها الاوسمة :
| موضوع: رد: عبود +++جمعه الحلفي الأربعاء 17 فبراير - 20:05 | |
| الف شكر لردكم ومروركم المميز ************************************************** | |
|