اكمر
فدوه عله كيفك ياكمر
وياك يحلالي السهر
آنه العشت غربة وطن
وعيون عاميها الوفر
خذني بعجل يم ديرتي
وهناك خل يحله السمر
فدوه اعله كيفك ياكمر
ارد اسألك عالريل
عن غيده وحمد
عن شجرة الصفصاف
وطيور السعد
عن حظن ابوي الشالني بطيبه ورغد
عن ريحة النعناع لو جاسه المطر
فدوه اعله كيفك ياكمر
ياكمر بالله مرووتك
سولفلي عن كلشي اليصح
عن فرة الناعور وجفوف الفلح
عن بلبل الفتان صوته ويالصبح
عن دجله والصوبين خل يغفه الجرح
وسكتاوي سكتاوي وي جرف النهر
فدوه عله كيفك ياكمر
ياكمر شوكي الديرتي
الكعداتنه بفي النخل
ال صوت الفخاتي
وزقزقة عصفور يم عشه وصل
تعبان أنه ومامش بعد
والعمر هالعده ورحل
صبرلي كلبي الماصبر
فدوه عله كيفك ياكمر
اتوسلك يامنيتي
رايدلي منك جم دوه
طيبة هلي
دلة هلي
ريحة هلي
وبردينه ذاك اللي روه
بدموعنه الراحت قهر
فدوه اعله كيفك ياكمر
وفيق الصكبان.. رومانيا ..28-3-2009
**************************************************