لاخوان
حمامة الرافدين
محفوظ
وانوار
طبعا كل الشكر لكم
واسمحولي بشكركم
بما اختاريته من قصيدة لكم
دموعي وكحة وشرعت باب العيون
وانة شمعة ومن كثر دمعي انطفيت
وك مازغرت بعين روحك من رحت؟
شلون كلبك طاوعط ضدي ومشيت
رد الية بداعة المني خذاك
مااحلفك بية ادري اني انسيت
وانة بية جروح اسمهة الكبرياء
الشكوة لله وحتى لله ماشكيت
هواي اجوني من اغركت كالوا تعال
ردت امد اجفوفي لكني استحيت
ابيش قصرت وعفتني بلا وداع
جنت احروف حجيك لوحجيت
ابلون جنحان النوارس شعري صار
واني مااكلك متت بس انتهيت
بية الك حبية اعمة يحن يشوف
صورة امة كبالة يبيض مادريت
وانتة تدري الشاعر يهزة الحنين
ويعلم الله بهالقصيدة شكد بجيت
اذني عطشانة اعلى صوتك من زمان
ومن شفافك ياترف كلمة اشتهيت
دورت كلبك شفت مالي مكان
وين وعدك مو كلت اني وفيت؟
جنت اكول راح من ملكاك اخجل
وخجلتني بكلمة اشعندك اجيت؟؟؟!!!!!!!!!
لاتسد بيبان كلبك عالحبيب
اني رايح من عساني لااجيت
**************************************************
