جاملتك رغم ماترهم وياي
وماشيتك رغم ماعندي رجلين
المشاعر باردة واحسبهة نيران
وكلش زين اكولن وانتة مو زين
جبتلك بيدي جم سجين يفلان
بركبتي تجربن سجين سجين
اذبحتني وفوكهة ماراضي زعلان
لان بركبتي ماياكلن زين
انة اول سجين يحبلة سجان
واول ركبة تلعب عل السجاجين
لتزغر سجن تخسر يسجان
لان تصبح قريب اعلى المساجين
اذا يترك جروفة النهر غلطان
يتبدة النهر لو ماكو جرفين
اكو باقين بس عن كلبي راحو
واكو راحو بنص الكلب باقين
غلط كل ادمي تسمونة انسان
وجريمة كل علي تسمونة ابو حسين
وتدري الراس يمتة تشوفة غركان
اذا يتعافة ويكطع الرجلين
الوجه يبقة وجه حتى بلا عين
واليعتني بعينة هواي غلطان
لان صار الصبح والليل فد لون
تباوع ما تباوع كلهة عميان
مايفتر وحقك ثابت الكون
والة الكان جا ماضل كما كان
الحمل يبجي وعلي تضحك المتون
اعتيادي الشايلة ماهو انسان
صم عاكول انتة وكلنة رمان
وحمار البيك من دم الفلاليح
احذرك لاتعتني حيل ياصاح
اخاف افلت من ايدك وانتة الطيح
**************************************************
