راح أصيح أبصوتي شامت وك تعال
أنه حصتك من زمانك هاك أديه
هيج أسوي أبطيب خاطرتدري ليش
أنته رايح وأنه بعدك شلي بيه
شلي بيه أبدونك أنه أشلون أعيش
كول أعيش أشلون لكن راح أكلك
لا دليل وروح ماكو أبنص حيات
أتريد واحد كون يوكف جنه ضلك
دنيا كلفه وبيهه شاطر من يكون
أو تكون أبدنه فاهم من تهلك
كلبي شدك ويه روحه أبهالحيات
كلي بالله أشلون تدبر من أفلك
هيه لعبه وبيهه تمري أتريد أروح
نكته هيه أتريد تهجر وأضحكلك
هاي فركه وبيهه مني تروح روح
حلل أنته أبهاي خايب شنهو حلك
كون توكف بيه تنضر من أجيك
وكون تعرف يالعزيز أشكد أجلك
صوره وجهك وألمنصه أكليبي صار
أعضام جسمي أبشده كامن صفكلك
ياهو خلك كلي ضنك من هواك
ألهواك أيموت يعني وأنه خلك
أنه ميت في غرامك في هواك
أعيونك أصلا هنه شافن ماحجلك
حته كلبك هوه يعرف ماحجالك
ماحجالك كلبي يرجف من أصلك
وألخدود ألبيهن أشهك من زمان
أسنين صافن بس عليهن ماشكلك
ماأملك وأنته أدره وشوف هاي
أنه جاهل وأنته لعبه أشلون أملك
أنه شاعر من لكيتك صرت أكول
يال قيس أشكد فطير ومانضرلك
تمشي رايد هسه عني وماأجيك
هاي هيه وماتمرلي ولا أمرلك
حسره جرت روحي خايب وي لكاك
من تهدني أبنص شماته أشراح أجرلك
رد حبيبي أبذيج روحك لا تروح
ولا تسولف أي كلام وراح أعدلك
واحد ألله-أثنين صارن- يالله كوم
يالله كوم أشبيك صافن حضي شلك
أنه عايش كوى عايش بس كلام
ومعنه هجرك بذني يصرخ راح أكتلك
أنه واكف كلي دمعه أبنص هواك
أتريدني أنشف من تهب وتحجي أردلك
ياتردلي وساكن أنته أبوجهي عين
أشلون أشوف أبدونك أنه أبوجي خلك
عاد خلك يمي هسه ومن أموت
أبكبري أدبج هسه كتلك ما أملك
بقلم الشاعر
أحسان ألسعيــــــــــــــــــدي
**************************************************
