امس خطار طيفك جاني بالنوم
وخفت نور الصبح يفتحلي عيني
عكَدت رموش جفني ووصله شديت
ونخيت الشمس تغفه وماتجيني
...
شكثر مشتاكَ اشوفك تدري يهواي
وحنينك هم وصل ذره الحنيني
بعت روحي المحبتك وانته مديون
وبعد ليهسه ماوفيت ديني
تدز طيفك عليمن وانته موجود
البعد غمضة جفن بينك وبيني
تعال وطفي بيدك نار الاشواكَ
تعال الدنيه ملت من ونيني
تدري انته امنشوفك بيه شيصير
احس عيون كومه بوجهي تطلع
يالبحسنك تِصفن حته الجفون
جذب عينيين من شوفتك تشبع
وطبع عندي القناعه وبيهه مرتاح
وانته ابلا قناعه اشلون تقنع
احبك ما كَلت بس كَالت العين
دفك عينك عليه وشوف تسمع
تسمع روحي تصرخ كافي مليت
وألف حسره اويه حسره و آه تجرع
وتسمع كَلبي يدعي اعليك ويكَول
عساك تروح بس بساع ترجع . .
.منقول
**************************************************
<br>
