بعد بيه الصبر عالي وما نصيت
وبعد بيه اسوار عز ما تنـــهدم
وبعد بيه احساس باقي وما يغيب
وغيرتي بعـــــلو الجبل ما تنثلم
وبعد اتحمل طعــــن اقرب الناس
انه واحة خــــير صعبه وتنردم
وبعد متعــــلم اگــــــول الله كريم
بعيني دمعه وشفتي بالحب تبتسم
وبعد يا حيرة العــــــــده الاربعين
اجروحي تضحك لون بيدك تنلچم
وبعد يا دفـــــتر مليته من الظنون
ولوحة الغـــــدروه ربعه تنرسم
وبعد اضحك وربط بضحكاتي خيط
خيط قوه تــــــــحارب اشباه الزلم
وبعد صبري شطوط هيبه وما تشح
بهـــــيبة اشطوطي انتغازل يا حلم
لا يا حلم
خايـــــف اتخــــوفني احلامك وذوب
وطيــــفي شمعه اختار للظلمه اسم
نعـــــــــم للظلمه اصيرن كلي نور
وهذا صبري خاف ما عندك علم
ن ق **************************************************
