كل البر تهاب عيون فوزية
ويصاحب فزعتك مالحكت عليه
يصاحب فزعتك مناك بيش اتفيد
مردت چبدتي بخزراتها تمريد
بالدلال صابتني بمصاب امچيد
ردت اقره الحمد مگلوب مابيه
ردت اقره الحمد مگلوب واتعوذ
على شيطان حسن الغاوية استحوذ
هم عگده بلساني والعقل شذشذ
لاهي بالانس ولاهيه حوريه
لاهي بالانس وتگول سهله تهون
نمشي لشيخ شمر لو لبن خيون
حب رمان ما ناضج عليها سنون
تخسه بالوصف گالو خزاعيه
لاعد الخزاعل مثل هاي الگيت
حتى دليم رحتلهم ولا خليت
لا بجبور لابگراع لابكميت
لا حله حوتها ولا دوانيه
لا مشخاب لاچفه وكتر غماس
ولا غنى بأسمها كامل ومجباس
ولانغمة عزيز وطور ابن دواس
لا فالح كمانه وصوت حمزيه
والهجان بزمانه ذاك وكته الراح
ما شاهد مثلها ولا گليبي ارتاح
والعماري بزمانه بها الاسم ماصاح
ولا المنكوب واشعاره واغانيه
لا بالعاصمة بغداد وديالى
ولا حتى الرمادي حاويه امثاله
بالمسيب ردت تذكار الگاله
لامن كربله وسدة الهندية
خلصت العمارة ورحت للبصرة
من سوك الشيوخ ورحت للشطرة
لا بالشام وصويرة وعطش كسرة
بسامرة وبلد وعضيم ماهيه
يصاحب لله المشتكه بشكواي
خلت بالگلب الفين عله وداي
بالبلعوم من تشرب يلالي الماي
والرگبه الشفتها گلوب ابو الميه
حشمت العشاير والوصف واطيت
وارجو المعذره من كوني مسيت
لاطاير بعدني ولابعد حطيت
كل الغيره بي خل يفزع عليه
**************************************************
