شعر وداع يا عشك
شأنطيلك بعد وليمته اترجاك
خلص عمري علمودك كافي تظلمني
غابت شمسك انته ومابقالي فياي
تغطيها بسحابك ليش تحرمني
تنخاني بمواجع صعبه ما تنجاس
بعد ثكل المواجع هسه تشمرني
تتوچه على ظهري واني الاوي الموت
جيت اشكيك ظيمي بحقد تدفعني
أجي لحربك معاق اتحوطك واحميك
وبسيف ال حميتك بيه تطعني
اناشده لجروحي المنك ان تحميك
تخليك على عرشك ملك تؤمرني
مولاي ارد اذكرك انه جنت حماك
تكول بكل غباوه اعتقد...تنكرني
لك سهام سمك مرمرتني هواي
تحط جرحي على سمك حته تغدرني
واوكع جوه زيجك واوكف آنه انخاك
تروح بكل صلافه وحقد تهجرني
وداعاً ياعشك مو اني الأول ذاك
ماجيلك بعد لا والله تعذرني
صح اني ويه روحي تواعدت وياك
لكن ما اريدك حته لترمني
ماريدك بعد لو تنگلب ألماز
مااريدك بعد كل مره تجرحني
اي انته اجرحتني وجرحي ليهساع
لو بيدك اضل وياك تذبحني
جرحي لهسه عايش بيه منك خاف
كل ما اذكر اسمك عمد يلچمني
لا تفرح ولك حسبالك انذليت
هاي جروحي طيبه تريد تنصحني
م ن
**************************************************
